Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасы (АИП) гурумун октјабрын 22-дә кечирмәк истәдији митингә разылыг вермәдији үчүн Бакы Шәһәр Иҹра Һакимијјәтини мәһкәмәјә вериб.
Партијанын сәдр мүавини Һаҹы Акиф Һејдәрлинин вердији мәлумата ҝөрә, бу ҝүн шикајәтлә бағлы мүвафиг сәнәдләр 1 сајлы Бакы Инзибати Игтисад Мәһкәмәсинә тәгдим олунуб.
Иддиаја әсасән, пајтахт меријасы тәшкилатын сәрбәст топлашмаг һүгугуну бәрпа етмәли вә дәјән мәнәви зијана ҝөрә 5 мин манат ҹәримә өдәмәлидир.
Гејд едәк ки, Бакы Шәһәр Иҹра Һакимијјәти (БШИҺ) Азәрбајҹан Ислам Партијасына (АИП) октјабрын 22-дә пајтахтын “Улдуз” метростансијасы вә “Тәбриз” кинотеатры гаршысында митинги кечирмәк истәји илә бағлы мүраҹиәтинә мәнфи ҹаваб вериб вә күтләви аксијанын кечирилмәсини мәгсәдәујғун һесаб етмәјиб.
Диггәт: Хәбәрдән истифадә етдикдә мәнбәјә истинад лазымдыр
