Әһли Бејт -АБНА- хәбәр аҝентлијинин вердији хәбәрә әсасән: Тез-тез мәтбуатда Авропа Шурасы Парламент Ассамблејасынын Азәрбајҹанда сијаси мәһбуслар үзрә мәрузәчиси Кристоф Штрассерә виза верилмәмәси мәсәләси ҝүндәмә ҝәлир. Бу мәсәләдә дә һәр вахт Азәрбајҹан һакимијјәти ҝүнаһкар һесаб олунур. Верилән мәлуматлара ҝөрә, Азәрбајҹан һакимијјәти индијә кими К. Штрассерә виза верилмәмәсини онун мандаты илә изаһ едир. Белә ки, рәсмиләр Азәрбајҹанда сијаси мәһбусларла бағлы мејарын мүәјјән олунмадығыны билдирир вә буна ҝөрә дә Штрассерин сәфәрини мәнасыз һесаб едирләр.
Бәс ҝөрәсән, өз виза мәсәләсини һәлл едә билмәјән К. Штрассер, сијаси мәһбус мәсәләсинин һәллиндә нә дәрәҹәдә тәсирли ола биләр?
Дејерлер.Орҝ ун бу суалыны “Шәрг-Гәрб” Арашдырмалары Мәркәзинин рәһбәри, политолог Әрәстун Оруҹлу ҹавабландырыб: “Мән һесаб едирәм ки, АШ ПА ја Азәрбајҹана даир сијаси мәһбуслар үзрә мәрузәчи постуну ләғв етмәлидир, ја да Азәрбајҹан һөкумәтинә буну гәбул етдирмәлидир. Дүздүр, мән баша дүшүрәм ки, Авропа Шурасы, АШ ПА чох ојунҹаг, гондарма вә нүфузсуз гурумлардыр. Амма бу дәрәҹәдә дә өзүнү ашағыламағы мән тәсәввүр етмирдим. Һесаб едирәм ки, бу гурумлар там тәһгир олунмуш шәкилдәдирләр. Әҝәр онларын тәјин етдији шәхси Азәрбајҹана бурахмырларса, она виза вермирләрсә, онун сијаси мәһбуслара даир һансы гәрара, нәјә тәсири ола биләр? Аталар сөзүндә дејилдији кими, “Өзүнә умаҹ ова билмәјән, башгасына әриштә кәсәҹәк?”.
Експерт ејни заманда һесаб едир ки, бүтүн проблем АШ ПА-дадыр: “Һесаб едирәм ки, ҝүнаһ һеч Штрассердә дә дејил, АШ ПА-дадыр. АШ ПА-нын да башында Азәрбајҹан һакимијјәтинә бағлы, Азәрбајҹан һакимијјәти гаршысында һәр ҹүр алчалан бир шәхс дајаныб. Мән илк нөвбәдә Мөвлуд Чавушоғлуну нәзәрдә тутурам. Һеч олмаса М. Чавушоғлу бу просесә тәсир едәјди. Азәрбајҹан һакимијјәтинә јалварыб-јахарајды ки, бурахын.
Бу артыг конкрет ҝөстәриҹидир ки, Азәрбајҹан һакимијјәтинә АШ, АШ ПА сәвијјәсиндә һеч бир тәсир механизмләри јохдур. О заман бу гурум үмумијјәтлә нәјә лазымдыр? Сөһбәт садәҹә мәрузәчидән ҝетмир, үмумијјәтлә, гурумдан ҝедир. Әҝәр Азәрбајҹан кими кичик бир өлкәјә өз ирадәсини гәбул етдирәрәк, адиҹә мәрузәчисинин ҝәлиб вәзијјәтлә марагланмасына имкан јарада билмирсә, о заман бу гурум нәјә лазымдыр вә ја бу гурума нә еһтијаҹ вар?”. Дејерлер
Диггәт: Хәбәрдән истифадә етдикдә мәнбәјә истинад лазымдыр
