Әһли Бејт -АБНА- хәбәр аҝентлијинин вердији хәбәрә әсасән: Зүлмүн сајәсиндә дүнјанын мүвәггәти шан вә шөһрәт ләззәтинә ујан Гәззафинин полад јумруглары, мәзлум Халг Күтләсинин тапдаглары алтында леһ олду. Ливија халгы диктаторун ҹәсәдини күчәләрдә сүрүдү. Деврилмиш полковник дә Сәддам кими канализасија борусунда ҝизләнимишди.
Халгын сәрвәтини талан едән диктаторун ҹәсәди Мисрата шәһәриндәки тиҹарәт мәркәзинин мејвә-тәрәвәзин сахланмасы үчүн нәзәрдә тутулмуш сојудуҹу анбарында јерләшдирилмишди.
Ҹәсәди ҝүнләрдән бәри дәфн едилмәдијиндән иј верир. Диктатора бахмаг үчүн халг күтләсинин арасы кәсилмир. Нөвбәјә дүзүләнләрә тәнзифли маскалар пајланыр.
Бу ҝүн сәһәр 70 јашлы гоҹа гадын исә нөвбәсиз ичәри кечмәк истәјәрәк "Чәкилин, мән дә түпүрүм!" дејиб.
Гәззафинин јанында исә онун оғлу Мүтәсимин ҹәсәдидир.
Гәззафини Сирт шәһәриндә әлә кечирмиш үсјанчылардан бири, 28 јашлы Һәммад Муфти Әлинин дедијинә ҝөрә, Ливија лидери әлә кечәндә үсјанчылара гызыл тәклиф едиб: "Гышгырараг јалварыр, ағлајыр, "Мәни бурахын, истәдијиниз гәдәр гызыл верәрәм" дејирди. Кәлмеји-шәһадәт охумаг әвәзинә елә һеј гызыл тәклиф едирди", - Әли сөјләјиб.
Ливијанын Милли Кечид Шурасы бәјан едир ки, Гәззафинин дүнјанын мүхтәлиф өлкәләриндәки банкларда 200 милјард доллардан артыг пулу галыб.
Диггәт: Хәбәрдән истифадә етдикдә мәнбәјә истинад лазымдыр
