Әһли Бејт -АБНА- хәбәр аҝентлијинин вердији хәбәрә әсасән: Бәшәрин нијазларыны тәмин етмәкдә аҹиз галан Капитализим Системи дә диҝәр бәшәр гурлушлары кими артыг Тарихин Зибил Гутусуна атылмагдадыр. Лакин буна бахмајараг сәрмајадарлар чүрүмүш гурлушу сахламагдан өтрү әлләриндән ҝәләни әсирҝәмирләр. Белә ки, Америка Бирләшмиш Штатларында "Уол Стреет-и ишғал ет" һәрәкатына дәстәк нүмајиш едән "Чикагону ишғал ет" һәрәкатынын 130-дәк нүмајәндәси һәбс олунуб. Чикаго нүмајишчиләри шәһәрин мәркәзи паркларындан бириндә дүшәрҝә салыблар вә гаранлыг дүшәндә ораны тәрк етмәкдән имтина едибләр. Полис аксија иштиракчыларынын паркдан истифадә гајдаларыны поздугларына ҝөрә һәбс олундугларыны билдириб. Гајдаја ҝөрә, парк бағландыгдан сонра орада галмаг олмаз.
Елә өтән һәфтә дә "Чикагону ишғал ет" һәрәкатынын 175 үзвү һәбс едилмишди. Онлар ҹәримә өдәмәк үчүн мәһкәмәјә ҝәләҹәкләри барәдә кағызы имзаладыгдан сонра бурахылмышдылар.
АБШ-да "Уол Стреет-и ишғал ет" шүары алтында күтләви етираз аксијасы 1 ај әввәл Нју Јоркда башлајыб, даһа сонра өлкәнин диҝәр шәһәрләринә дә јајылыб. Һәрәкатын тәрәфдарлары јени иш јерләринин ачылмасыны тәләб едир, ири ширкәтләрин ҝәлирләри әдаләтсиз вә гејри-бәрабәр шәкилдә бөлүшдүрүлмәсинә вә һөкумәтин банклара малијјә дәстәји вермәсинә гаршы чыхырлар.
Диггәт: Хәбәрдән истифадә етдикдә мәнбәјә истинад лазымдыр
