Әһли Бејт -АБНА- хәбәр аҝентлијинин вердији хәбәрә әсасән: 20 Октјабырда, Мүгәддәс Гум шәһәриндә, Ҹамиәтул Мустәфа Академијасында, “Азәрбајҹан Республикасында Ислами Ојаныша дајаг вә анти-ислам сијасәтләринин мәһкум едилмәси” Бејнәлхалг Конфрансы кечирилмишдир. Кечирилмиш конфрансда БӘЈАНАТ гәбул едилмишдир.
Бәјанатын мәтнин сајтымызын зијарәтчиләринә тәгдим едирик:
Рәһман вә Рәһим Аллаһын ады илә
وَنُرِيدُ أَنْ نَمُنَّ عَلَى الَّذِينَ اسْتُضْعِفُوا فِي الْأَرْضِ وَنَجْعَلَهُمْ أَئِمَّةً وَنَجْعَلَهُمُ الْوَارِثِينَ
“Биз истәдик ки, орада зәиф дүшүб әзиләнләрә мәрһәмәт ҝөстәрәк, онлары рәһбәр вә (јер үзүнә) варисләр едәк.” (Гурани-Кәрим, Гәсәс сурәси, ајә5)
Он аја јахындыр ки, диндарлар, хүсусилә танынмыш руһаниләр Азәрбајҹан Республикасынын һәбсханаларында һаким диктаторларын әсири олуб. Онларын јеҝанә ҝүнаһы (әҝәр белә демәк оларса) һиҹабын, дини дәјәрләрин мүдафиәсидир.
Азәрбајҹан коммунист режиминин ҹәнҝиндән чыхдыгдан сонра сионизмин әсиринә чеврилмишдир. Бу мүсәлман мәмләкәт анти-ислами сијасәтләр, мәсҹидләрин учурулмасы, һиҹаб гадағасы үчүн бир мејдан олмушдур. Бир или өтүб ки, тәһсил назирлији мәктәбләрдә һиҹаб гадағасыны тәтбиг едир. Азәрбајҹан һөкумәти нәинки тәглид мәрҹәләри, имам-ҹүмәләр, мүсәлман халг, гоншу халгларын етиразларына әһәмијјәт вермәди, һәтта һиҹаб гадағасына етираз едәнләри сахта иттиһамларла шәрләјәрәк һәбсханалара долдурду.
Бир нечә ај өнҹә Ҝәнҹә шәһәринин танынмыш руһаниләри һөҹҹәтүл-ислам Азәр Ҹәбијев, һөҹәтүл-ислам Фәхри Илјасов, өтән һәфтә исә башга бир груп руһани вә исламчы, о ҹүмләдән һөҹҹәтүл-ислам доктор Мөвсүм Сәмәдов, һөҹҹәтүл-ислам Фәрамәрз Аббасов узунмүддәтли һәбсә мәһкум едилди. Һазырда Бакыда һөҹҹәтүл-ислам Тале Бағыров, Абҝүл Сүлејманов да дахил олмагла башга бир груп руһани вә исламчы сахта иттиһамлар әсасында һәбсханада мәһкәмә һөкмүнү ҝөзләјир.
Ислам Партијасынын сәдри һаҹы Мөвсүм Сәмәдов Азәрбајҹан Республикасынын нүфузлү дин хадимләриндәндир. Ҹари илин јанвар ајында һакимијјәтә гаршы тарихи чыхышы илә бөјүк етираз далғасы јаратмыш Сәмәдов һазырда бир груп руһани вә диндарла һәбсханада сахланылыр. Бу һәбсләр өлкә мүсәлманлары вә диҝәр гардаш өлкәләрин мүсәлманларынын гәлбини ағрыдыр.
Биз, 40-дан артыг өлкәдән олан руһани вә тәләбә Азәрбајҹан һөкумәтинин анти-ислами сијасәтини мәһкум едир вә Бакыдан гәти шәкилдә тәләб едирик ки, ислами баһар ојанышында бүтүн виҹдан мәһбусларыны, о ҹүмләдән Азәрбајҹан Ислам Партијасынын сәдри доктор Сәмәдову һәбсдән азад етсин вә Бин Әли, Һүсни Мүбарәк, Гәззафи кими диктаторларын аҹы агибәтиндән ибрәт ҝөтүрсүн. Анти-ислами вә анти-бәшәри сијасәтләрин давамы јетәр.
Биз Азәрбајҹандакы мүсәлман гардаш вә баҹыларымыза елан едирик ки, мүсәлман халглар Азәрбајҹан Республикасында дини һаглар вә дини дәјәрләрин мүдафиәсиндә онларла бирликдәдирләр вә Аллаһын јер үзүндә мәзлум зүмрәнин залымлар үзәриндә гәләбәси вәдинә дәриндән инанырлар.
ҺҺГМ МК-нын мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
