Әһли Бејт -АБНА- хәбәр аҝентлијинин вердији хәбәрә әсасән: ИҺҺ-нын сәдри Бүләнт Илдырым, Азәрбајҹанда һөкм сүрән һиҹаб гадағасына етираз етдикләри үчүн ағыр һәбс ҹәзаларына мәһкум едилән Ислам Партијасыны сәдри Мөвсүм Сәмәдов, Абҝүл Сүлејманов, Зүлфүгар Микајылзадә вә диҝәр һиҹаб маһбуслары илә әлагәдар олараг "Аллаһ бу ҝүнаһы ишләјәнләрә бир ҝүн мүтләг ҹәзасыны верәҹәк" дејиб.
О чыхышыны белә давам етдириб, "Исламын әсас гајдаларындан бири олан һиҹаб илә әлагәдар хүсусилә Ислам ҹәмијјәтләриндә чох тәәссүф ки, гадағалар ҝәтирилир. Лакин бу ҝүнә гәдәр һиҹаб әлејһинә мүбаризә апаран һеч бир игтидар узун өмүрлү олмамышдыр. Биз буну Түркијәдә ҝөрдүк. Һиҹаб гадағасынын ән шиддәтли олдуғу Түркијә вә Тунисдә бу ҝүн о гадағаны гојанлар јох олуб. Буна ҝөрә дә бүтүн Ислам өлкәләринә вә лидерләринә бурадан сәсләнирик, јашанылмыш сәһвләри тәкрар етмәјин, динин әмрләри илә гаршы-гаршыја ҝәлмәјин. Чүнки Аллаһдан бөјүк һеч ким јохдур".
ИҺҺ-нын сәдр мүавини Вәкил Ҝүлдән Сөнмәз дә Азәрбајҹандакы һиҹаб гадағасы вә һиҹаб мәһбуслары илә бағлы дејиб: "Һиҹаб гадағасы тәтбиг олундуғу һеч бир јердә узунөмүрлү олмамышдыр. Чүнки инанҹа вә фитрәтә зидд һеч бир шеј һеч бир ҹәмијјәтдә зорла һәјата кечирилә билмәз. Бунунла мүбаризә етмәк мүмкүн дејил, һеч бир ҝүҹ дә бунунла саваша билмәз. Ағыл саһиби олан рәһбәрлијин дини инанҹла мүбаризә апармамасы лазымдыр. Һиҹаб гадағасы да бунун ән бариз нүмунәсидир. Бу гадаға бир вахтлар Түркијәдә дә тәтбиг олунмушду. Түркијәдә дә гадынлар вә кишиләр гадағаја гаршы мүбаризә етмишдир. Азәрбајҹандакы гардашларымызын бу мүбаризәси шүбһәсиз ки чәтин бир мүбаризәдир, анҹаг инанҹыны азад шәкилдә јашамаг истәјәнләр әлбәт ки, галиб олаҹаглар. Бу мүгајисә олунмаздыр".
Диггәт: Хәбәрдән истифадә етдикдә мәнбәјә истинад лазымдыр
