Әһли Бејт -АБНА- хәбәр аҝентлијинин вердији хәбәрә әсасән: 2011-ҹи илдә Азәрбајҹанда 30-дан чох иҹтимаи-сијаси фәал азадлыгдан мәһруметмә ҹәзасына мәһкум олунуб. Сајтымызын мәлуматына ҝөрә, онларын 13-ү исламчы кәсими тәмсил едир:
Һөҹҹәтул Ислам Кәрбәлаји Гисмәт Исајев – 1 ил
Һөҹҹәтул Ислам Һаҹы Азәр Ҹәбијев - 2 ил 6 ај;
Илаһијјатчы Һәсән Мәммәдов - 3 ил 6 ај;
Һөҹҹәтул Ислам Һаҹы Фәхри Илјасов - 3 ил 6 ај;
Руһани Илгар Мусајев - 3 ил;
Азәрбајҹан Ислам Партијасынын (АИП) лидери Мөвсүм Сәмәдов - 12 ил;
АИП Астара рајон тәшкилатынын сәдри Руфулла Ахундзадә - 11 ил 6 ај;
АИП сәдринин мүавини Вагиф Абдуллајев - 11 ил;
Һөҹҹәтул Ислам Һаҹы Фәрамиз Аббасов - 11 ил;
Мөвсүм Сәмәдовун гајыны Фирдовси Мәммәдрзајев - 10 ил;
Мөвсүм Сәмәдовун әмиси оғлу Дәјанәт Сәмәдов - 10 ил;
Бакыда кечирилмиш “Һиҹаба азадлыг” аксијасынын иштиракчысы (һиҹаб мәһбусу)
Араз Исмајылов - 2 ил 6 ај;
Һиҹаб мәһбусу - Нурани Мәммәдов - 2 ил;
Һиҹаб мәһбусу - Рүфәт Миријев - 2 ил.
Даһа 10 һиҹаб мәһбусунун истинтагы давам едир. Август ајында тутулан “Исламазери.аз” сајтынын баш редактору Рамин Бајрамов, Руһани Абҝүл Сүлејманов вә АИП-ин мүвәггәти сәдр мүавини Ариф Гәнијев дә истинтаг алтындадырлар.
Гејд едәк ки, Азәрбајҹан мүсәлман халгынын һәбси бу ил јанварын 2-дә АИП Баш Мәҹлисиндә партија лидери Мөвсүм Сәмәдовун чыхышындан сонра башлајыб. Һәмин чыхышында Доктор Мөвсүм Сәмәдов мөвҹуд һакимијјәтдә олан көклү коррупсијаја, әхлагсызлыглара, һакимијјәт тәрәфиндән мәсҹидләрин виран едилмәсинә, азанын гадаған олунмасына, конуститусијаја зидд олараг шифаһи сифариш илә мәктәбләрдә һиҹаба гадаға гојулмасына кәскин етиразыны билдирәрәк, һакимијјәти фасидлијини деталлар илә сүбут етмишдир.
Исламчыларын Лидери Мәһәммәд пејғәмбәрдән “динә тәрәф бәла ҝәлсә, ҹанынызы верин, дининизи гуртарын” дејә ситат ҝәтирән Азәрбајҹан халгыны “ајаға галхмаға вә залым режимә сон гојмаға” чағырыб: “Азәрбајҹан халгы ҝәрәк бу мәсәләдә ајаға галхсын вә ојаг олсун. Әҝәр бир шәхсләр бизим динимизә, бизим мәнәвијјатымыза, бизим ахирәтимизә әл узадарларса, биз дә онларын дүнјасына әл узадарыг”.
Диггәт: Хәбәрдән истифадә етдикдә мәнбәјә истинад лазымдыр
