Әһли Бејт -АБНА- хәбәр аҝентлијинин вердији хәбәрә әсасән: Гарабағ Азадлыг Тәшкилаты дахили ишләр назири Рамил Усубовун Ермәнистана сәфәрини писләјиб. Гурумун октјабрын 14-дә јајдығы бәјанатда бу һагда дејилир ки, һеч бир бәһанә Јереван сәфәринә бәраәт газандыра билмәз.
ГАТ Рамил Усубову “шәһидләрин ганы үстүндән һеч нә олмамыш кими кечәрәк” Јеревана ҝетмәсини гынајараг билдирир ки, дахили ишләр назири постуну тутан, өзү дә Хоҹалыдан олан бир шәхс бу аддымы атмамалы, һәтта истефа вермәк баһасына олса да, бу аддыма ҝетмәмәли иди.
Тәшкилат назирин адыны “Гара китаб”а салдығыны бәјан едиб.
Рамил Усубов Јеревана МДБ Дахили Ишләр Назирләри Шурасынын саммитиндә иштирак етмәк үчүн ҝедиб.
Диггәт: Хәбәрдән истифадә етдикдә мәнбәјә истинад лазымдыр
