Әһли Бејт -АБНА- хәбәр аҝентлијинин вердији хәбәрә әсасән: Сон илләр Азәрбајҹан Республикасында әлијевләр режими тәрәфиндән “Ислам Дини”нә гаршы јашанан кобудлуг вә нанәҹибликләрә, дүнја халгларынын етираз далғалары сәнҝимәк билмир. Белә ки, Гум Елм Һөвзәсиндә тәһсил алан чохсајли түркијәли алим вә тәләбәләр дә Азәрбајҹанда јашанан сон һадисәләрлә әлагәдар бәјанаты јајмышлар. Бәјанатын мәтнини сајтымызын зијарәтчиләринә тәгдим едирик:
БАҒЫШЛАЈАН ВӘ МЕҺРИБАН АЛЛАҺЫН АДЫ ИЛӘ
Јашадығымыз әсрдә һәр кечән ҝүн инсан һүгугларына вә азадлыгларына даһа чох өнәм верилдији бир һалда гардаш милләт сајдығымиз Азәрбајҹанда сон заманлар, хүсусән сон ҝүнләр јашанан һадисәләр бизи ҝерчәкдән чох үздү вә нараһат етди.
Азан сәсини сусдурмагла башланан, сонра мәсҹидләрин сөкүлмәси илә давам едән просесләрә, һиҹаба гадаға гојулмасына, халг ичиндә севилән дин алимләринин сахта иттиһамлар, јаланчы шаһидләрлә мәһкум олунмасына, иттиһамлар сүбут едилмәдији вә онларын ҝүнаһсызлығы һамыја мәлум олдуғу һалда он илләрлә һәбсә ҝөндәрилмәсинә, аилә, дост вә ҹәмијјәтдән узаглашдырмасыны гәтијјәтлә гынајыб вә писләјирик. Азәрбајҹанын сәлаһијјәтли дөвләт мәмурларындан Онлара дәрһал бәраәт верилмәсини вә азадлыға бурахылмаларыны тәләб едирик. Мүсәлман бир халга рәһбәр мәгамда оларкән онларын дәјәрләри илә дүшмәнчилик етмәјин мүмкүн олмадығыны дүнјада баш верән сон һадисәләрдән јахшы ҝөрүб анладыныз. Ағыл вә виҹданыныза мүраҹиәт един. Сизә төвсијә едирик ки, сон заманлар әсил фаҹиә јашајан гулдур дөвләт башчыларынын агибәтиндән ибрәт ҝөтүрәсиниз.
Дејиләнләрә диггәт јетирмәдијиниз һалда дүнјанын бүтүн сәлаһијјәтли мәгамларына вә тәшкилатларына мүраҹиәт едәҹәк, ҝүнаһсыз инсанларын һаггы бәрпа олана гәдәр тәләбләримизи бүтүн дүнјаја уҹа сәслә чатдыраҹағыг. Сонда һагсызлыглар гаршысында мәзлумларын јанында олаҹағымызы елан едирик.
Мүгәддәс Гум шәһәри
2011-10-13
Диггәт: Хәбәрдән истифадә етдикдә мәнбәјә истинад лазымдыр
