Әһли Бејт -АБНА- хәбәр аҝентлијинин вердији хәбәрә әсасән: Октјабрын 22-си пајтахтда митинг кечирмәји планлашдыран исламчылар Бакы Шәһәр Иҹра Һакимијјәтинә тәшкилат групу адындан мүраҹиәт едиб. Група Азәрбајҹан Ислам Партијасынын сәдр әвәзи Елчин Манафов, мүавинләр Ингилаб Әһәдли вә Рөвшән Әһмәдов дахилдир.
Митингдә Дағлыг Гарабағ мүнагишәсинин һәлл олунмамасындан наразылыг ифадә етмәк, өлкәдә исламофобија һалларынын гаршысы алынмасы, мәһбус партија рәһбәрләри вә руһаниләрин азадлыға бурахылмасы тәләбләрини сәссләндирмәк нәзәрдә тутулур. Исламчылар меријадан аксијаја мүнасиб јер ајырмасыны истәјибләр.
Мүраҹиәтә мүсбәт ҹаваб верилмәсә, тәшкилат групу һансы аддымы атаҹаг?
Азәрбајҹан Ислам Партијасынын сәдр әвәзи Елчин Манафов сајтына ачыгламасында бүтүн аддымларын ганун чәрчивәсиндә олмасыны истәдијини дејиб: “Биз инанырыг ки, меријадан бизим мүраҹиәтә мүсбәт ҹаваб вериләҹәк. Бибиһејбәт стадионунда да аксија кечирмәјә һазырыг. Меријанын ҹавабы мүсбәт олмаса, јенидән мүзакирә апарыб нөвбәти гәрары чыхараҹағыг.
Биз үстүнлүјү разылашдырылмыш митингә веририк. Ҹамаатын етиразы үрәјиндә галыб вә биз бундан чох нараһатыг. Халг һансыса јолла өз етиразыны билдирмәлидир. Биз сивил јоллар ахтараҹағыг. Тәбии ки, бизим истәјимиз ганун чәрчивәсиндәдир.
Диггәт: Хәбәрдән истифадә етдикдә мәнбәјә истинад лазымдыр
