Әһли Бејт -АБНА- хәбәр аҝентлијинин вердији хәбәрә әсасән: Америкада капитализм гурулушуна вә ағыр игтисади бөһрана гаршы етираз олараг Нју-Јоркда формалашмасындан 3 һәфтәдән чох вахт кечмәјән халг һәрәкаты артыг өлкәнин миндән чох шәһәринә јајылыб.
Америкада "Wall Street" һәрәкаты тәгрибән 3 һәфтә әрзиндә бу өлкәнин 1000-дән чох шәһәринә ҝенишләниб.
ББC бу һагда билдириб: Америкада капитализм гурулушуна вә малијјә шәбәкәләринин игтисади гүдрәтинә гаршы халг етиразларынын формалашмасындан 3 һәфтәнин кечмәсинә бахмајараг, АБШ вәтәндашлары Кливләнд шәһәриндә "Wall Street ишғал един" һәрәкатындан илһам алараг "Кливләнди ишғал един" шүары илә шәһәрин мәркәзи мејданында јерләшән әсас топланты залында аксија кечирибләр. Бу аксија сон ҝүнләр Wall Street һәрәкатындан илһам алынараг кечирилән онларла аксијадан биридир.
Кливләнд етираз һәрәкатынын үзвләри дә өзләрини Америкада истисмара мәруз галан 99% әһлидән һесаб едирләр.
Онлар билдирирләр ки, бу етиразлар АБШ вәтәндашларынын гарәт олунмуш сәрвәтини ҝери алмаг мәгсәдини дашыјыр. АБШ әһалисинин 99%-и өлкәнин ағыр игтисади вәзијјәтиндән наразыдыр. Һалбуки, әһалинин 1%-и һәр ҝүн даһа да варланыр вә Америкада сијаси гүдрәти өз инһисарларына алыблар.
Диггәт: Хәбәрдән истифадә етдикдә мәнбәјә истинад лазымдыр
