Әһли Бејт -АБНА- хәбәр аҝентлијинин вердији хәбәрә әсасән: Иҹтимаи Палатанын 2 апрел митингинә ҝөрә һәбс олунанларын сонунҹу групунун да мүһакимәси дүнән Нәсими рајон мәһкәмәсиндә јекунлашды. “2 апрелчи”ләрин ҝәнҹләрдән ибарәт сонунҹу групуна һаким Шаһин Абдуллајевин имзасыјла чыхарылан, ҝөзләнилән сифаришли һөкм елан олунду.
Ҝәнҹлик сијасәти
Һаким һөкмү елан едәркән мүдафиә тәрәфин мәһкәмә истинтагы заманы ортаја гојдуғу дәлил-сүбутлары әсассыз һесаб етди. Амма иттиһам органынын мәһкәмәјә тәгдим етдији сүбутлары һаглы сајды. Беләликлә дә, ҝәнҹ фәаллардан Үлвү Гулијев вә Әһәд Мәммәдлијә 3, Елнур Мәҹидлијә 2, Рүфәт Һаҹыбәјлијә 1 ил 6 ајлыг азадлыгдан мәһруметмә ҹәзасы верилди.
Мүлки иддиалар тәмин олунмады
Виҹдан мәһбусларына гаршы галдырылан мүлки иддиа исә бахылмамыш сахланылды. Хатырладаг ки, “2 апрел мәһбуслары”нын мүһакимә олунан һәр 3 групуна гаршы мүлки иддиалар галдырылмышды. Јалныз Сәбаил мәһкәмәси бу иддианы гисмән тәмин едиб, галанлары бахылмамыш сахлајыб.
Һимн охумаға имкан верилмир
Һөкмүн елан олунмасы тәхминән 2 саат чәкди. Һөкмүн еланы баша чатандан сонра мәһкәмә залында олан мүхалифәт тәрәфдарлары һимни охумаға башладылар. Чашгын дурума дүшән мәһкәмә нәзарәтчиләри һимн охујанлары дағытмаға башладылар. Лакин мүхалифәтчиләрин мүгавимәти гаршысында ҝери чәкилмәли олдулар
Јенә дә полис вәһшилији...
Һөкмдән сонра Нәсими рајон Мәһкәмәсинин гаршысында тәгсирләндирилән шәхсләрин тәрәфдарлары илә полис арасында гаршыдурма јаранды. Мүхалифәтчиләр мәһкәмә гаршысында “Азадлыг!” шүарлары сәсләндирәндә полис онлара һүҹум етди.
Һүҹум едән полисләрә исә Нәсими рајон Полис Идарәсинин Пост-Патрул Хидмәт Бөлүјүнүн рәиси Әкбәр Һаҹыјев рәһбәрлик едирди. Әкбәр Һаҹыјевин ҝөстәришилә әразијә әлавә полис гүввәси ҝәтирилди. Аз кечмәди, әразидә Нәсими рајон Полис Идарәсинин рәис мүавини Сүлејман Немәтов да мүлки формада ҝөрүндү. Полисләр аксија иштиракчыларыны дәјәнәклә дөјмәјә башладылар. Бу заман полисләрин һәрәкәтинә етираз едән АХҸП фәаллары - Тәзәхан Мирәләмли, Вагиф Халигов, Мүсават Партијасындан Сәхавәт Солтанлы, Рамин Бахышов сахланылараг, Нәсими рајон 20-ҹи полис бөлмәсинә апарылдылар.
Бакыда “Азадлыг!”, “Истефа!” шүарлары
Полисләр даһа сонра аксија иштиракчыларыны мәһкәмәнин јахынлығында олан гул базарына тәрәф сыхышдырдылар. Бурада полис дәстәсинә рәһбәрлик едәнләрин ҝөстәришилә полисләрлә мүхалифәт тәрәфдарлары арасында гаршыдурма јаранды. Полисләр мүхалифәт тәрәфдарларыны дөјмәклә јанашы, “гул базары”нда олан усталарын хәрәкләрини дә дағытмагдан чәкинмәдиләр.
Даһа сонра полисләр мүхалифәт тәрәфдарларыны 3-ҹү микрорајон даирәсинә тәрәф сыхышдырдылар. Бурада мүхалифәт тәрәфдарларынын “Азадлыг!”, “Истефа!” сәсләндирмәләри јенидән гаршыдурманын јаранмасына сәбәб олду. Аксија бир саата јахын давам етди.
Нәсими рајон Полис Ыдарәсинин 20-ҹи полис бөлмәсиндә сахланыланлар исә хәбәрдарлыг едиләндән сонра сәрбәст бурахылдылар.
Диггәт: Хәбәрдән истифадә етдикдә мәнбәјә истинад лазымдыр
