Әһли Бејт -АБНА- хәбәр аҝентлијинин вердији хәбәрә әсасән: АБШ-да һәфтәләрдир давам едән нүмајишләр ҝетдикҹә ҝенишләнмәкдәдир. Өлкәнин әсас игтисади мәркәзи олан “Wаll Strееt”дәки нүмајишләрин тәшкилатчылары октјабр ајынын 29-на ҹидди һазырлыглар ҝөрүрләр.
Түркијәнин “Һүрријет” гәзетинин хәбәринә ҝөрә, АБШ-ын вә дүнја игтисадијјатынын гәлби сајылан Нју-Јоркдакы малијјә мәркәзи "Wаll Strееt”дәки нүмајишләрдән сонра мәшһурлашан “Адбустер” журналы васитәсилә тәшкилатчылар өлкә әһалисини сосиал әдаләтсизлијә етираз олараг, октјабр ајынын 29-да мејданлара ахышмаға чағырыблар. Тәшкилатчыларын һәдәфи 50 милјон нүмајишчидир.
Гејд едәк ки, “Wаll Strееt”дәки аксијаларда бу ҝүнә гәдәр 1000-дән чох инсан полис тәрәфиндән диндирилмәк үчүн сахланылыб. Артыг нүмајишләр өлкәнин әсас бөјүк шәһәрләринә јајылмагдадыр.
Диггәт: Хәбәрдән истифадә етдикдә мәнбәјә истинад лазымдыр
