Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Ајәтуллаһул-Үзма Мәкарим Ширази хариҹ дәрсиндә дејиб: Бу ҝүн мүсәлман дүнјасында ојаныш баш вермишдир. Амма биз елә шәраитдә јашајырыг ки, мүсәлманлар бундан даһа ојанмалы вә ејни заманда ајыг олмалыдырлар.
Мәрҹеи-тәглид даһа сонра билдириб ки, ојаныш о заман нәтиҹә верәҹәкдир ки, бу ајыглыгла баш версин. Бу ҝүн Ислам дүнјасында ојаныш баш вермиш вә мүсәлманлар залымларын вә диктаторларын әсарәтиндән гуртулмагдадырлар. Амма неҹә ки, онлар ојаныблар ејнилә дүшмәнләр дә ајылыблар вә истәмирләр мүсәлманлар өз һаггларыны әлдә етсинләр.
Мәкарим Ширази даһа сонра дејиб: "Бу ҝүн ики дәстә бир-бирилә үзбәүз дајанмышдыр. Бири өз һаггларыны тәләб едән милләтләр, диҝәри исә Американын вә Исраилин бөлҝәдәки марионет сијасәтчиләридир. Сәудијјә Әрәбистаны кими өлкәләрин башчылары ачыг-ајдын мүсәлманларын мүгабилиндә дајанмышлар. Бәзиләри исә мәсәлән Түркијә кими АБШ вә Исраиллә әл-әлә верәрәк заһирдә өзүнү исламчы ҝөстәрмәклә ода бир аз даһа јағ төкүр. Белә шејләрә алданмамаг үчүн милләтләр ајыг олмалыдырлар" - дејән мәрҹеи-тәглид мүсәлманларын лазыми шәкилдә ајыг олмалары ҝеҹ вә ја тез онлары өз мәгсәдләринә чатдыраҹағыны билдириб. О, һәмчинин бүтүн бунларла јанашы мүсәлманлары вәһдәти бәрпа етмәјә вә бир-биринин архасында дурмаға чағырыб.
Бәһрејндә баш верән һадисәләрә тохунан алим дејиб ки, бу ҝүн Бәһрејндә милләт өз һаггыны тәләб едир. Амма бу өлкәнин рәһбәрләри Сәудијјәнин вә АБШ-ын дәстәјилә һәмин милләтин гаршысыны танкларла алмагдадыр. Вә бу бејнәлхалг иҹтимаијјәтин ҝөзү гаршысында баш верир ки, бејнәлхалг инсан һагглары тәшкилатлары да буна ҝөз јумурлар.
Диггәт: Хәбәрдән истифадә етдикдә мәнбәјә истинад лазымдыр
