Әһли Бејт -АБНА- хәбәр аҝентлијинин вердији хәбәрә әсасән: Октјабрын 5-дә Бакы Ағыр Ҹинајәтләр Мәһкәмәсиндә һакимијјәти зорла әлә кечирмәкдә вә террора һазырлыгда иттиһамы илә әлијевләр режими тәрәфиндән шәрләнәрәк исламчыларын Лидери, Ислам Партијасынын сәдри Доктор Мөвсүм Сәмәдов вә даһа 6 нәфәр сон сөзлә чыхыш едир.
М. Сәмәдов сон сөзлә чыхышында билдириб ки, «мәһкәмә сифариш јеринә јетирир, шаһидләрдән исә алдатма вә тәзјиг јолу илә ифадәләр алыныб». О дејиб ки, башгаларынын да һәбс олунмасы онун 2 јанвар чыхышына ҝөрәдир.
Мәһкәмә залына исә мүттәһимләрин гоһумларынын чоху бурахылмајыб. Һәтта исламчыларын гоһумлары вә достлары полис тәрәфиндән мәһкәмәнин гаршысына белә бурахылмыр.
Һазырда полис инсанлара тәзјиг едир, онлары әразидән узаглашдырмаға чалышыр. Мәһкәмәнин гаршысында олан инсанлардан верилән мәлумата ҝөрә полис инсанлары дөјүб вә әразидән узаглашдырыб.
Мәһкәмәјә ҝәлән руһаниләрдән бири Һаҹы Сәрдар Һаҹыһәсәнли билдириб ки, мәһкәмә бинасыны полис мүһасирәјә алыб, адамлары сыхышдырараг зорла әразидән узаглашдырыблар: «Полисләр, мүлки ҝејимли шәхсләр гадын-киши билмир, јумруг, тәпик атыр, үстүмүзә гышгырыр, алчалдыҹы сөзләр дејирләр».
Һазырда әлијевләр полиси бинанын гаршысындакы виҹданлы инсанлара тәзјиг ҝөстәрәрәк әразидән узаглашдырыб. Һадисә шаһидләринин сөзләринә ҝөрә, инсидент полис тәрәфиндән јарадылыб. Белә ки, полис диндарлары итәләјәрәк вә кобуд шәкилдә рәфтар едәрәк диндарлары узаглашдырмаг истәјиб. Бу заман Масаллы руһаниси Сејјид Фәрамизин баҹысы јерә јыхылараг әзилиб.
Мәлумата ҝөрә, беш нәфәр һәбс олунуб: Рамиз, Аббас Һүсејнов, Миррәшад, Масаллылы руһани Сејјид Фәрамизин бөјүк оғлу Камран вә Сејјидин баҹысы.
Виҹданлы Инсанлар дағыныг шәкилдә әтрафа јајылараг мәһкәмәнин гәрарыны ҝөзләјирләр. Әразидә чохлу сајда постпатрул машынлары вар.
Һазырда режим полиси әразијә нәзарәт едир.
Диггәт: Хәбәрдән истифадә етдикдә мәнбәјә истинад лазымдыр
