Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр Азәрбајҹанда баш верән антиислам олајларына гаршы дөвләтин дахили вә хариҹиндә бу сијасәти кәскинликлә мәһкум едәнләр артмышдыр. Беләки МРҸ режимин дахили вә хариҹи сијасәтләрини кәскинликлә писләјәрәк Бәјанат гәбул етмишдир. Бјанаты сајтымызын зијарәтчиләринин нәзәринә чатдырырыг.
Рәһман вә Рәһим Аллаһын ады илә
Рәббимиз истәјир ки, јаратдығы бәндәләр мәнәм-мәнәм дејиб нәфсинә гул олмасын, камала јетишсин. Сизләр о камала јетишмәк үчүн шәраит јаратдынызмы?
Өлкәнин ҝәләҹәји олан ҹаванларын јолу фәсад мәркәзләриндән кечсин дејә мәсҹидләр сөкүлүр,әхлагсызлыг адиләшсин дејә иффәтә ләкәләр вурулур, һиҹаба гадаға гојулур. Белә бир шәраитин гурбаны олан ҹаван нә биләр хејир-шәр нәдир? Јахшы-пис, зүлм-зор нәдир? Нәтиҹә алырыг ки, наркотика, фәсад, әхлагсызлыг, һакимијјәтин ади ишләринә мәддаһлыг дәбә дүшдүкҹә, мәнәвијјата әнҝәл даһа ҹидди шәкил алыр. Белә мәлум олур ки, систем һесабланмыш мәркәзләрдән идарә олунур. Илләрлә динләдијимиз чыхышларда мәнәвијјат бир мөвзу олараг јада дүшүбмү? Дәбдәбә вә зәнҝинликдән дәм вуранлар фәгәт касыбларын һиссләринә истеһза едибләр. Һаны өлкәдә уҹузлашмыш хаммал? Ишлә тәмин олунмуш кичик бир һиссәнин әмәк һаггынын артырылмасынын, инһисарда олан вә саатдан-саата артан дахили базар гијмәтләри илә мугајисәдә тәһгирдән башга бир шеј олмадығы мәлум олур. Һаны ишсизләрә ајрылан имтијазлар? Тәһлилинә вардығымыз сијасәт исә дағыдылмыш игдисадијјатдан диггәти јајындырмаг мәгсәди ҝүддүјүндән мәнәви дәјәрләрин мүдафиәсинә галханлар наркотика алверчиси, гејри-гануни силаһ дашыјыҹысы олур вә с. Амма тарих ҝөстәрир ки, һагсыз олараг һүгуглар гәсб едиб, һәбс етмәјин ләјагәтли нәтиҹәләри дә чох олур. Фитрәтин өз гүруруна јијә дурмаг истәји идејалар јарадыр, онун вахты јетишәндә физики аләмдә бүтүн гүдрәтләрдән јухарыда дуруб онларын талејини тәјин едир.
Ишҝәнҹә вә һәдәләрлә мүшајиәт олунан истинтаг, сахта иттиһамларда мәгсәд нөгсанларла долу һәрҹ-мәрҹликдән ибарәт мәмурларын һакимијјәтини узатмагдыр. Ола билсин ки, бу гејри-тәбии сабитлик јаратсын. Гејри-тәбии сакитлик, гәтијјәтли вә дөнмәз үзү олан үмүдсизлијә һамилә олур. Онун дөзүм дуасы нифринлә башланыр вә бөјүк партлајыша сәбәб олур. Онда даһа һеч бир ҝүҹ структурлары бу партлајышын гаршысыны ала билмәз.
Мүбариз Руһаниләр Ҹәмијјәти јухарыда гејд олунмуш бүтүн фикирләри нәзәрдә тутмагла Азәрбајҹан игтидарына үз тутуб онун јаздығы гара сәһифәләри, 20% торпаглары ишғал алтында олан үмүдсиз халгымызын зеһниндән силмәк үчүн һәбсдә олан бүтүн виҹдан, һиҹаб мәһбусларыны азадлыға бурахылмасыны мәсләһәт ҝөрүр. О сәбәбдән ки, МРҸ Азәрбајҹанын мүстәгиллији вә халгын гајғысына галан, милли-мәнәви дәјәрләри горујан бир һакимијјәти дәстәкләјир вә игтидара да бу нөв һакимијјәт арзулајыр. Амма бу мәсәләјә дә тохунур ки, әзиз гардашларымызын зинданда олмасы бизи тәәссүфә вадар етмир, әксинә бизим бирлијимизә вә онлары һәбс едәнләрин рүсвајчылығына сәбәб олур. Һәгигәтән Фиронларын зинданларында јетишән Јусуфләр дөнүб о халгын әзизи вә рәһбәри олурлар. Биз о ҝүнү тәсәввүр едирик ки, залимләр мәһбус гардашларымызын мугабилиндә диз чөкүб вә гардашларымыздан үзр истәјиб онларын гаршысында баш әјәҹәкләр. Неҹә ки, Јусуф пејғәмбәри дәрин гујуја атанлар вә онун һәбсинә сәбәб оланлар, она бөһтан атанлар нәһајәт Аллаһ пејғәмбәринин гаршысында сәҹдәјә дүшүб бу ајәни охудулар. “Аллаһа анд олсун ки, Аллаһ сәни сечәрәк биздән үстүн етмишдир вә биз доғрудан да әскик, сәһв вә хәтәкарларданыг” (Јусуф сурәси, ајә 90) Һәгигәтән, Аллаһын вәдәси сизләри дә ҝөзләјир.
МРҸ мәтбуат хидмәти
Диггәт: Хәбәрдән истифадә етдикдә мәнбәјә истинад лазымдыр
