Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасынын мәтбуат хидмәтиндән дахил олан мәлумата ҝөрә, бу ҝүн Азәрбајҹан Ислам Партијасынын (АИП) рәһбәрлији, һәбс олунан исламчыларын һүгугларынын мүдафиә комитәси илә бирликдә фөвгәладә топланты кечирдиб.
Топлантыда исламчыларын мәһкәмә истинтагынын сон иҹласында дөвләт иттиһамчысынын мүттәһимләр үчүн әдаләтсиз вә ағыр ҹәза истәмәси кәскин тәнгид олунуб. АИП рәһбәрлији вә мүдафиә комитәсинин үзвләри прокурорун ҝөзләнилмәз мөвгејини, сифаришли һәбсләрин бу ҹүр сонунҹланмасына етираз билдирәрәк, ганунсузлуғу писләјибләр.
Топлантыда мүдафиә комитәсинин вә АИП-ин атаҹағы аддымлар һаггында гәрар гәбул олунуб. Белә ки, ҝәлән һәфтә мәтбуат конфрансы кечириләҹәк вә күтләви аксијалара старт вериләҹәји барәдә мүзакирәләрә башланаҹаг.
Диггәт: Хәбәрдән истифадә етдикдә мәнбәјә истинад лазымдыр
