Әһли Бејт -АБНА- хәбәр аҝентлијинин вердији хәбәрә әсасән: Мәдинәје Мүнәввәрә Шиәләринин рәһбәри мәрһум Ајәтуллаһ Шејх Муһәммәд Әли Омринин оғлу Һөҹҹәтул Ислам Шејх Казим Омри Иран Ислам Республикасында “Системин Мәсләһәтини Мүәјјәнләшдирән Гурумун” рәиси Ајәтуллаһ Һашими Рәфсәнҹани илә ҝөрүш кечиртмишдир.
Чох сәмими кечән ҝөрүшдә Ајәтуллаһ Һашими Рәфсәнҹани бир сыра мәсәләләрә ишарә етдикдән сонра Ислам Республикасынын Сәуди Әрәбистан илә бағладығы әмнијјәт тәвафүгнамәсинә вә өзүнүн мәһз бу јөндә Әрәбистана етдији сәфәрләрә ишарә едәрәк деди: “Биз Мәлик Әбдуллаһ вә саир мәсулларла Һәҹҹ вә Өмрә заирләринин ишләринин асанлашдырылмасы, заирләрин Бәги Гәбиристаныны раһат зијарәт етмәләри вә бу өлкәдәки Шиәләрин вәзијјәтинин абадлашдырылмасы илә бағлы сөһбәтләр етмишик. Үмүдварыг сәудиләр Бәги Гәбристанлығына гаршы јүрүтдүкләри сијасәтләрини јенидән нәзәрдән кечирдәҹәкләр.”
Ајәтуллаһ Һашими сөзүнүн давамында деди: “Үмдварыг һөрмәтли заирләр илә Мәккә вә Мәдинә Һәрәмләринин мәсуллары арасында јранаҹаг икитәрәфли әмәкдашлыг сајәсиндә Бәги Гәбиристанлығында ујан даһи инсанларын зијарәти мүмкүн олсун.”
Сонда Һөҹҹәтул Ислам Шејх Казим Омри Иран Ислам Республикасында “Системин Мәсләһәтини Мүәјјәнләшдирән Гурумун” рәиси Ајәтуллаһ Һашими Рәфсәнҹанини Мәккә вә Мәдинә шәһәрләринә Аллаһын Евин вә Һәзрәти Рәсуләллаһы зијарәт етмәјә дәвәт едәрәк деди: “Әрәбистан дөвләт нүмајәндәләринин сизә әлаһидә һөрмәтләри вардыр. Әрәбистан јарымадасынын Шиәләри дә сизи өзләринә Мәнәви Ата билирләр...
Ајәтуллаһ Һашими Рәфсәнҹанин Мәккә вә Мәдинә шәһәрләриндә олмалары даим Әрәбистан Шиәләринин мөвгеијјәтини јахшылатмыш вә заирләрин зијарәт вә әмнијјәтини даһада асанлашдырмышдыр. Биз үмүд едирик сиз ҹәнаблары јенидән Әрәбистан Шиәләринин ҹәминдә хүсуси илә дә Мәдинә шәһәриндә ҝөрәк.”
Диггәт: Хәбәрдән истифадә етдикдә мәнбәјә истинад лазымдыр
