Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы президенти вурғулајыб ки, Бирләшмиш Милләтләр Тәшкилатынын Тәһлүкәсизлик Шурасы халгларын һүгугларыны мүдафиә етмәк габилијјәтинә малик дејил.
О, Нју-Јоркда БМТ-нин бејнәлхалг мәсәләләр һагдакы һәрәкәтләринин гијмәтләндирилмәси һагда дејиб: БМТ Тәһлүкәсизлик Шурасы өз вәзифәсини дүзҝүн һәјата кечирмәјиб, бу да бу шуранын инфраструктур проблемләри вә аҹизлијиндән мәншә алыр.
Иран Ислам Республикасы президенти сонра дејиб: Һазырда Тәһлүкәсизлик Шурасы һагг вә әдаләтин ихтијарында јох, бир нечә өлкә, о ҹүмләдән Американын ихтијарындадыр.
Әһмәдинежад сонра гејд едиб ки, азадлыг, әдаләт ,сечим вә һөрмәт бүтүн халгларын һаггыдыр, амма бу һаглар әҹнәбиләрин мүдахиләси илә ҝерчәкләшә билмәз.
Иран Ислам Республикасы президенти һәмчинин реҝион халгларынын диктаторлар гаршысындакы гијамлары барәдә дејиб: Бәзиләри чалышырлар ки, халг гијамларынын нәтиҹәләрини өз хејирләринә мүсадирә етсинләр, анҹаг бунун да нәтиҹәси олмајаҹаг.
Ҹәнаб Әһмәдинежад сонра дејиб: Халглар, Гәрбин истиласы, гарәти вә илләр боју тәһгириндән нараһатдыр вә ҝеҹ-тез бүтүн халглар азад олаҹаглар.
Иран һөкумәт башчысы даһа атом силаһы вә медиа гүдрәтинин халгларын ирадәсиндә вә ја дүнја идарәчилијинин тәшкилатландырылмасында һеч бир тәсиринин олмадығыны билдирәрәк, дејиб: Һазырда дүшүнҹә вә мәдәнијјәт дөврү башга сөзлә десәк Инсани ирадә дөврү башланыб вә даһа ҝүҹлү мәнтиг вә инсани дүшүнҹә һаким олаҹагдыр.
Иран Ислам Республикасы президенти һәмчинин Нју-Јоркда бејнәлхалг медиаларла мүсаһибәси заманы дејиб: Әҝәр Америка, Инҝилтәрә вә НАТО Фарс Көрфәзи вә Оман дәнизини тәрк етсәләр, Иран вә реҝион өлкәләри енержи вә реҝионун тәһлүкәсизлијини тәмин едә биләрләр.
ИРНА-нын вердији мәлумата ҝөрә, БМТ Баш Ассамблејасынын 66-ҹы Сессијасында иштирак етмәк мәгсәдилә Нју-Јоркда сәфәрдә олан Маһмуд Әмәдинежад бејнәлхалг медиаларла мүсаһибәдә дејиб: Бәзиләри енержи вә реҝионун тәһлүкәсизлијини тәмин етмәк бәһанәси илә Фарс Көрфәзи вә Оман дәнизиндә јерләшибләр, амма бир елан едирик ки, әҝәр НАТО вә Америка реҝиондан чыхсалар, реҝион өлкәләринин тәһлүкәсизлији тәмин едиләҹәкдир.
Маһмуд Әһмәдинежад өз сөзләринин давамында Фәләстин халгынын һакимијјәт һаггыны һимајә едәрәк, уранын зәнҝинләшдирилмәсини Атом Енержиси үзрә Бејнәлхалг Аҝентлијинә үзв бүтүн өлкәләрин һаггы олдуғуну билдириб.
"Иранын нүвә фәалијјәтләри АЕБА-нын бирбаша нәзарәти алтындадыр" –дејә Иран һөкумәт башчысы гејд едиб.
Диггәт: Хәбәрдән истифадә етдикдә мәнбәјә истинад лазымдыр
