Әһли Бејт -АБНА- хәбәр аҝентлијинин вердији хәбәрә әсасән: Мәшһур америкалы милјардер вә инвестор Ҹорҹ Сорос һесаб едир ки, һазырда АБШ игтисадијјаты артыг тәнәззүлүн икинҹи далғасыны јашајыр вә бу мәсәләдә Барак Обаманын верҝи-бүдҹә тәнзимләнмәсинә даир планына гаршы чыхан республикачылар ҝүнаһкардырлар.
"Һесаб едирәм ки, тәнәззүл артыг башлајыб", - АБШ-ын апарыҹы ҸНБҸ телеканалынын АБШ игтисадијјатында јени тәнәззүл тәһлүкәси илә бағлы суалына ҹаваб верән 81 јашлы малијјәчи дејиб.
Гејд едәк ки, Соросун бәјанаты һәләлик рәсми тәсдигини тапмајыб. Чүнки ресессија игтисадијјатда ики рүб далбадал енмә илә характеризә олунур.
"Биздә јубанмалар вә варлыларын јени иш јерләри јаратмаг үчүн верҝи өдәмәк истәмәмәләри, еләҹә дә узун перспективдә бүдҹәнин баланслашдырылмасы илә бағлы проблемләр мөвҹуддур", - милјардер бәјан едиб.
"Форбес" журналы тәрәфиндән варидаты 22 милјард долалр һәҹминдә гијмәтләндирилән америкалы малијјәчи Авропадакы һазыркы борҹ бөһраныны 2008-ҹи илдә "Леһман Бротһерс" банкынын гарәт олунмасы илә мүгајисә едиб. Бу барәдә Тренд "Вести"јә истинадән хәбәр верир.
"Бу, Леһман Бротһерс-дән даһа тәһлүкәли вәзијјәтдир вә һесаб едирәм ки, һакимијјәт малијјә системини горујуб сахламаг үчүн мүмкүн олан һәр шеји едәҹәк. Буна алтернативи һәтта тәсәввүр етмәк белә чәтиндир", - Сорос билдириб.
О ҝүман едир ки, аврозонанын кичик өлкәләри һәр һалда дефолт елан едәрәк ваһид Авропа валјутасы зонасыны тәрк едәҹәкләр. Лакин әҝәр бу баш верәрсә, дүнја игтисадијјатыны силкәләнмә ҝөзләјир.
Бир мүддәт әввәл Ҹорҹ Сорос Јунаныстан вә Португалијаја аврозонаны артыг тәрк етмәји төвсијә етмишди.
Диггәт: Хәбәрдән истифадә етдикдә мәнбәјә истинад лазымдыр
