Әһли Бејт -АБНА- хәбәр аҝентлијинин вердији хәбәрә әсасән: Түркијәнин баш назири Рәҹәб Тајјиб Әрдоған дејиб: "Түркијә вә Иран терроризмлә мүбаризәдә сых әмәкдашлыг едәҹәкләр". Мәлуматы "Сабаһ" гәзети јајыб."Биз артыг терроризмлә мүбаризә үчүн кәшфијјат саһәсиндә әмәкдашлыг едирик", - баш назир билдириб.
О, һәмчинин гејд едиб ки, Ирагын шималында террорчуларла мүбаризә үзрә әмәлијјатлар онлар там мәһв едиләнәдәк давам едәҹәк.Түркијә ҺҺГ августун 17-си ахшам јараглыларын Түркијәнин шимал-шәргиндә төрәтдикләри һүҹумдан сонра Шимали Ирагда Күрд Ишчи Партијасынын (ПКК) террорчуларынын мөвгеләринә авиазәрбәләр ендириб. Һәмин һүҹум нәтиҹәсиндә 9 түрк һәрбчиси өлдүрүлмүшдү.
Бу, Түркијәнин бир илдән артыг мүддәт әрзиндә Ирагын шималына ендирдији илк зәрбәләрдир.Түркијә иә ПКК арасында мүнагишә 25 илдән артыгдыр, давам едир. Бу мүнагишә 40 миндән артыг инсанын һәјатына сон гојуб. ПКК БМТ, еләҹә дә Анкаранын тамһүгуглу үзв кими дахил олмаға чалышдығы АИ тәрәфиндән террор тәшкилаты кими таныныб.Бундан әввәл ПКК јараглылары Түркијә һакимијјәтини чохиллик күрд проблеминин һәлли илә бағлы конкрет аддымлар атылмајаҹағы тәгдирдә силаһлы гаршыдурмаларын фәаллашаҹағы илә һәдәләјиб.
Диггәт: Хәбәрдән истифадә етдикдә мәнбәјә истинад лазымдыр
