Әһли Бејт -АБНА- хәбәр аҝентлијинин вердији хәбәрә әсасән: "Истәнилән вәзијјәтдән аслы олмајараг, Азәрбаҹан Түркијәнин даим јанында олаҹаг. Бизә башга дөвләтләрин һеч бири Түркијә гәдәр ваҹиб дејил. Һазырда исгтисади вә диҝәр саһәләрдә бизим үчүн Јунансытан вә Исраил Түркијә гәдәр өнәмли дејил". Бу сөзләри SalamNews-а политолог Зәрдүш Әлизадә билдириб.
О, бүтүн хәбәрдарлыглара бахмајараг, Јунан Кипринин Аралыг дәнизиндә тәбии газ ахтарышы ишләринә башламасы илә бағлы Баш назир Рәҹәб Тајјиб Әрдоған илә ШКТР президенти Дәрвиш Әроғлу арасында “материк шелфи һүдудларынын мүәјјән едилмәси” илә бағлы имзаланан сазишә мүнасибәт дә билдириб.
Политолог дејиб: “Јунаныстан вә Түркијә бир-биринә нә гәдәр һәдә горху ҝәлсә дә, нәтиҹәдә һәр бири мәҹбур олуб сөзүҝедән мәсәләни бејнәлхалг һүгуг нормаларына ујғун мүәјјәнләшдирәҹәк. Бундан сонра һүгуг нормаларына ујғун һансы өлкәнин пајы нә гәдәрдир билинәҹәк. Чүнки Аралыг дәнизи һөвзәсиндә тәбии газ ахтарышы илә бағлы Ливанын, Исраилин, Јунаныстанын, Шимали Кипирин вә һәмчинин Түркијәнин дә иддијасы вар. Онлар бу иддиа үстүндә мүһарибә едән дејилләр. Онлар мәҹбур олуб ортаг мәхрәҹ тапаҹаглар”.
З.Әлизадә вурғулајыб ки, диҝәр тәрәфдән Баш назир Рәҹәб Тајјиб Әрдоғанын һакимијјәтә ҝәлдији андан индијәдәк Јунаныстан-Түркијә мүнасибәтләри хејли јахшылашыб. Амма сон вахтлар бу, бир гәдәр ҝәрҝинләшиб. Бурада Исраилин дә ролу ола биләр. Чүнки Исраилә марагладыр ки, әлагәләри пис олдуғу Түркијәнин диҝәр гоншулары илә мүнасибәтләри писләшсин.
О дејиб: “Үмумијјәтлә, һесаб етмирәм ки, онлар сабаһ Аралыг дәнизи һөвзәсиндә тәбии газ ахтарышы илә бағлы мүһарибәјә башласынлар. Јунаныстан бу мәсәләдә мәнафејин горумаг истигамәтиндә гәтијјәтини билдирир. Дүшүнүрәм ки, Јунаныстан вә Түркијә бунунла бағлы разылыға ҝәләҹәкләр. Чүнки газ һасилаты үчүн әмин-аманлыг шәраити олмалыдыр”.
Хатырладаг ки, Јунаныстанын Хариҹи Ишләр Назирлији Түркијә илә Шимали Кипр Түрк Республикасы арасында имзаланмыш “материк шелфи һүдудларынын мүәјјән едилмәси” мүгавиләсини “мәнасыз вә етибарсыз” сајыб.
Диггәт: Хәбәрдән истифадә етдикдә мәнбәјә истинад лазымдыр
