Әһли Бејт -АБНА- хәбәр аҝентлијинин вердији хәбәрә әсасән: Әҝәр Ҹәнуби Кипр 2012-ҹи илдә Авропа Бирлијинин (АБ) сәдрлији постуна јијәләнәрсә, о заман Түркијә АБ илә бүтүн әлагәләрини дондураҹаг. Бу барәдә Рөјтерс Аҝентлији Түркијәнин баш назиринин мүавини Бәшир Аталаја истинадән мәлумат јајыб.
Ҹәнуби Кипр Һөкумәтинин 2012-ҹи илдә 6 ај мүддәтиндә АБ-нин сәдри постунда тәмсил олунаҹағы ҝөзләнилир.
"Әҝәр сүлһ просеси һеч нәји һәлл етмәзсә вә АБ бу посту ҹәнуби Кипрә верәрсә, АБ илә Түркијә арасында әсл бөһран јаранаҹаг. Чүнки биз АБ илә бүтүн әлагәләримизи дондураҹајыг. Бу барәдә һөкумәт гәрар гәбул едиб вә биз буну бәјан етмишик." - Аталај вурғулајыб.
Түркијә ҹәнуби Киприн суверенлијини танымајыб вә јалныз Шимали Кипр Түрк Республикасы илә әлагәләр гуруб.
Узун илләрдир Кипр проблеми Түркијәнин Авропа Бирлијинә гәбул олунмасында башлыҹа әнҝәлләрдән биридир.
Диггәт: Хәбәрдән истифадә етдикдә мәнбәјә истинад лазымдыр
