Әһли Бејт -АБНА- хәбәр аҝентлијинин вердији хәбәрә әсасән:
Теһран Радиосунун азәри хидмәтинин Фарс Информасија Аҝентлијинә истинадән вердији мәлумата ҝөрә, Ислам Ингилабы Пасдарлар Корпусунун сөзчүсү полковник Һәмид Әһмәди ПЕЖАК груплашмасынын атәшкәс хаһиши илә чыхышына ишарә едиб билдирмишди ки, Ислам Ингилабы Кешикчиләр корпусунун ағыр атәши нәтиҹәсиндә ағыр хәсарәтләр алан ПЕЖАК груплашмасы атәшкәс хаһиши илә Ирана үз тутуб. Лакин Иранын белә бир гәрар гәбул едәҹәји мүмкүнсүздүр.
Полковник Әһмәдинин дедијинә ҝөрә ПЕЖАК-ла атәшкәсин мәнасы јохдур вә бу груплашма һәр шејдән әввәл Иран торпагларындан кәнара чәкилмәлидир.
Әһмәдинин дедијинә ҝөрә, сон ҝүнләр әрзиндә ПЕЖАК-ла гаршы апарыла әмәлијјат нәтиҹәсиндә груплашмасынын 30 үзвү өлдүрүлүб, 40 нәфәри исә јараланыб.
Диггәт: Хәбәрдән истифадә етдикдә мәнбәјә истинад лазымдыр
