Әһли Бејт -АБНА- хәбәр аҝентлијинин вердији хәбәрә әсасән:
Турана мүсаһибәсиндә о, тәәссүфлә Азәрбајҹанда һүгуг-мүһафизә вә ҝүҹ гурумларында рүсвајчы тәҹрүбәнин галдығыны гејд едиб.
О билдириб ки, СДИ 2010-ҹу илин мајында Азәрбајҹанын вәтәндаш ҹәмијјәти фәалларынын адындан БМТ-нин инсан һаглары үзрә комиссарынын, һабелә Авропа Иттифагы вә Авропа Шурасынын үнванына инсанларын ишҝәнҹә нәтиҹәсиндә һәлак олмасы илә бағлы конкрет фактларын әкс олундуғу мүраҹиәт гәбул едилиб. Белә ки, 2006-ҹы илдә ишҝәнҹәдән 13 нәфәр (5 нәфәри ордуда), 2007-ҹи илдә 11 нәфәр, 2008-ҹи илдә 3 нәфәр, 2009-ҹу илдә 7 нәфәр өлүб.
Сөзүҝедән мүраҹиәтдә һәјата кечирилмәси зәрури олан бир сыра төвсијәләр јер алмышды. Л.Јунусун фикринҹә, әсас төвсијә Азәрбајҹанын Авропа Шурасы гаршысында хүсуси өһдәлијинин – һүгуг-мүһафизә органларынын ишҝәнҹә вә диҝәр гејри-инсани рәфтар формаларындан истифадә етмиш әмәкдашларынын ҹинајәт мәсулијјәтинә ҹәлб едилмәси өһдәлијинин јеринә јетирилмәси тәләбидир. “Бу өһдәлик АР АШ-а гәбул едиләркән ҝөтүрүлүб, 10 ил кечмәсинә бахмајараг ишҝәнҹә тәтбиг едән һүгуг-мүһафизә органлары әмәкдашларындан һеч бири (!) АР ҸМ-ин мүвафиг маддәси илә ҹинајәт мәсулијјәтинә ҹәлб едилмәјиб”, дејә СДИ директору билдириб.
О гејд едиб ки, НМР-дәки сон һадисәјә гәдәр әсасән ДИН гурумларында, ҹәзачәкмә мүәссисәләриндә (Әдлијјә Назирлијинин Пенитенсиар Хидмәти), ордуда (Мүдафиә Назирлији) һәлак олурдулар. Инди ишҝәнҹә тәтбиг олунан јерләр сијаһысына НМР МТН дә әлавә олунду.
“Бу, мәлум һәгигәти бир даһа тәсдиг едир – Нахчыван МР һакимијјәтин ҹәмијјәтә тәзјиг васитәләрини сынагдан чыхардығы гапалы лабораторијадыр. Де-факто Нахчыван МТН Азәрбјаҹан МТН-ә табе олмур (НМР ДИН вә диҝәр гурумлары кими)”, дејә Јунус билдириб. Бу заман о, тезликлә Нахчыванлы һәмкарларын “иш методларындан” бүтүн Азәрбајҹанда истифадә олунаҹағындан еһтијатландығыны билдириб.
Диггәт: Хәбәрдән истифадә етдикдә мәнбәјә истинад лазымдыр
