Әһли Бејт -АБНА- хәбәр аҝентлијинин вердији хәбәрә әсасән:
Елчин Намазов билдириб: "Мән биринҹи дәфә дејилки һәдәләнирәм. Илк һәдәләрими Ҝәнҹәли руһаниләр Азәр Ҹәбијев вә Фәхри Илјасовун вәкили оландан алырам. О вахтдан мәни вәкилләр коллеҝијасындан чыхармагда һәдәләјирләр. Даһа сонра исә Бәхтијар Һаҹыјевин вәкили оландан сонра даһа да артды.Бу һәдәләр нечә ај идики давам едирди. 2 апрел митингиндән сонра даһа да шиддәтләнди. Јәни һәбс олунанларын ичиндә мүвәккилләримин олмасындан сонра. Бу һәдәләрә сәбәб исә мәним давамлы мүҹәдәлә етмәјим, ҹәсарәтли давранышым вә едилән һагсызлыглара сусмамағымдыр. Азәрбајҹан мәһкәмәләриндә мүстәгил, објектив вә һаггы тәләб едән вәкилләрин сыхышдырылмасы просеси башлајыб."
Хатырладаг ки, вәкил Елчин Намазов барәсиндә Ҹинајәт Мәҹәлләсинин 289-ҹу маддәси илә ҹинајәт иши галдырылмасы барәдә Республика Прокурорлуғуна мүраҹиәт олунуб.
Ҹинајәт Мәҹәлләсиндән чыхарыш:
Маддә 289. Мәһкәмәјә һөрмәтсизлик етмә
289.1. Мәһкәмә бахышы иштиракчыларыны тәһгир етмәклә мәһкәмәјә һөрмәтсизлик етмә -
шәрти малијјә ваһиди мәбләғинин үч јүз мислинәдәк мигдарда ҹәримә вә ја јүз алтмыш саатдан ики јүз саатадәк иҹтимаи ишләр вә ја алты ајадәк мүддәтә азадлыгдан мәһруметмә илә ҹәзаландырылыр.
289.2. Ејни әмәлләр һаким вә ја андлы иҹласчылар барәсиндә төрәдилдикдә - шәрти малијјә ваһиди мәбләғинин үч јүз мислиндән беш јүз мислинәдәк мигдарда ҹәримә вә ја ики иләдәк мүддәтә ислаһ ишләри вә ја алты ајадәк мүддәтә азадлыгдан мәһруметмә илә ҹәзаландырылыр.
Диггәт: Хәбәрдән истифадә етдикдә мәнбәјә истинад лазымдыр
