Әһли Бејт -АБНА- хәбәр аҝентлијинин вердији хәбәрә әсасән:
Бу барәдә вәкил Анар Гасымлы мәлумат вериб. О билдириб ки, просесдә тәгсирләндирилән шәхсләр Араз Исмајылов, Рөвшән Мәммәдов, Әлван Һүсејнов, Рүфәт Нуријев, Нурани Мәммәдов иштирак едиб. Һаким Расим Казымовун сәдрлији илә кечән мәһкәмә иҹласына журналистләр бурахылмајыб. Һаким буна залын кичик олмасыны әсас ҝәтириб.Просесдә митинг ҝүнү зәрәр чәкдији иддиа олунан 35 полис әмәкдашы иштирак едиб. Вәкил Анар Гасымов полисләрә дәјән зијанын мүәјјән едилмәдијини билдириб вә бунунла бағлы вәсатәт галдырыб. Һаким вәсатәти тәмин едиб вә полисләрә дәјән зијанын мүәјјәнләшдирмәси үчүн ҝөстәриш вериб.
Нөвбәти просес сентјабрын 8-дә кечириләҹәк.
Гејд едәк ки, бу ил мајын 6-да Тәһсил Назирлијинин гаршысында аксија кечирмәјә ҹәһд едән 15 нәфәр сахланылыб вә онлар барәсиндә Ҹинајәт Мәҹәлләсинин 221.2.2. (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг), 221.3. (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) вә 233-ҹү (иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә) маддәләри ҹинајәт иши ачылыб.
Диггәт: Хәбәрдән истифадә етдикдә мәнбәјә истинад лазымдыр
