Әһли Бејт -АБНА- хәбәр аҝентлијинин вердији хәбәрә әсасән:
11.08.2011 тарихиндә һәбс едилмиш руһани Абҝүл Сүлејманов вә Азәрбајҹан Ислам партијасынын (АИП) тәшкилаты ишләри үзрә сәдр мүавини Ариф Гәнијевин сабаһ тәгсирләндирилән шәхс гисминдә мәһкәмә гаршысына чыхарылма еһтималлары вар. Бу барәдә А.Сүлејмановун вә А.Гәнијевин вәкили Анар Гасымов мәлумат вериб.
Анар Гасымов дејиб: “А.Сүлејманов тутулан заман һүгуглары кобуд шәкилдә позулуб. 10 нәфәрә јахын мүлки ҝејимли шәхс онун гајынатасынын Исмајыллы рајону Лаһыҹ гәсәбәсиндәки евинә өзләрини тәгдим етмәдән дахил олуб, Абҝүлү јерә јыхыб вә голларыны гандаллајыблар. Сонра онун үзәриндән наркотик васитә олан һәшиш "ҝөтүрүлүб". А.Сүлејманов өзү дә дејир ки, һисс етдим ҹибимә киминсә әли ҝирди”.
А.Гасымовун сөзләринә ҝөрә, Абҝүл Сүлејманов Азәрбајҹан Республикасы Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә шүбһәли шәхс гисминдә сахланылыб.
“О ки галды Гәнијевә, ону да Абҝүл Сүлејманов кими јерә јыхыб голларыны гандалладыгдан сонра ҹорабындан наркотик маддә олан һәшиш "чыхарыблар". Автомобилиндә исә бир әдәд “Макаров” типли тапанча, беш әдәд 9 мм патрон вә бир әдәд патрон дарағы "ашкар едилиб". Силаһ Гәнијевин машынындан МТН әмәкадашлары машыны апардыгдан сонра чыхыб”, - дејә, вәкил билдирди.
Вәкилин сөзләринә ҝөрә, Ариф Гәнијевә Азәрбајҹан Республикасы Ҹинајәт Мәҹәлләсинин ики маддәси - 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) - илә шүбһәли иттиһам ирәли сүрүлүб.
Һүгуг мүдафиәчиси ону да гејд етди ки, бу маддәләрлә истинтаг апармаг полисин сәлаһијјәтиндәдир: "Бу маддәләрлә МТН-нин истинтаг апармасы ганунвериҹилијин тәләбләринә зиддир".
Журналист Рамин Бајрамовун вәкили Елчин Намазов исә билдирди ки, Р.Бајрамовун истинтага ҹәлб едилиб-едилмәмәси мәсәләси сабаһ бәлли олаҹаг
Журналист Рамин Бајрамов шүбһәли шәхс гисминдә сахланылыб. Һәләлик һеч бир истинтаг ишләри апарылмыр. Бајрамовун истинтага ҹәлб едилиб-едилмәмәси мәсәләси сабаһ бәлли олаҹаг. Бу барәдә Рамин Бајрамовун вәкили Елчин Намазов деди.
Е.Намазов гејд етди ки, Рамин Бајрамовун вәкил иштиракы олмадан МТН әмәкдашлары тәрәфиндән диндириләрәк ифадәси алыныб: “Мән ҝүнорта саатларындан Рамин Бајрамовла ҝөрүшмәк үчүн МТН - ә ҝетдим. Мәни орада 2 саат ләнҝитдикдән сонра Раминлә ҝөрүшә бурахдылар. Мәлум олду ки, мәним ҝөзләдијим вахт әрзиндә Рамин Бајрамовдан вәкил иштиракы олмадан ифадә алыблар. Дејибләр ки, вәкилини тапа билмирик, она ҝөрәдә вәкилин олмадан ифадә јаз”
Вәкил һәмчинин билдирди ки, ирәли сүрүлмүш маддәләр үзрә ишләр ганунвериҹиликлә МТН дејил, полис тәрәфиндән апарылмалыдыр. Бунула бағлы сабаһ вәкил вәсатәт галдыраҹаг. О гејд етди ки, МТН – нин вәзифәләри дөвләт әлејһинә олан тәһлүкәнин гаршысыны алмагдыр: “Бу полис бөлмәси сәвијјәсиндә олан бир ишдир”.
Е. Намазов онуда гејд етди ки, Бајрамов һәгигәт нәдирсә ону јазыб. Лакин буна бахмајараг онун вәкилсиз диндирилмәси гануна зиддир.
Вәкил билдирди ки, Р.Бајрамова гаршы психики тәзјигләр олуб: “Она давамлы суаллар верәрәк, силаһ-сурсаты һарадан алдығыны сорушублар. Мән дәфәләрлә етираз етдим ки, бу адам дејир силаһ сурсат она аид дејил. Евинә полис сержанты вә ја башга бир шәхс тәрәфиндән гојулуб. Һәр һалда ачар 4 саат сиздә олуб, МТН әмәкдашларында”.
Һүгуг мүдафијәчиси, Р.Бајрамов сахланылан заман она гаршы физики тәсир ҝөстәриләрәк наркотик васитәни ҹибинә гојулдуғуну гејд едәрәк билдирди ки, иш үзрә протоколлар да ганунсуз формада тәртиб олунуб: “Протоколлар илә бағлы сабаһ аидиәти илә шикајәт әризәләри верәҹәјик”, - дејә Е.Намазов билдирди.
Гејд едәк ки, Исламазәри интернет гәзетинин баш редактору Рамин Бајрамов Азәрбајҹан Республикасынын Ҹинајәт Мәҹәлләси ики маддәси - 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) вә 228.1 (Ганунсуз олараг одлу силаһ, онун комплект һиссәләрини, дөјүш сурсаты (јивсиз одлу ов силаһы вә һәмин силаһ үчүн дөјүш сурсаты истисна олмагла), партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ја ҝәздирмә) маддәләри илә шүбһәли шәхс гисминдә сахланылыб.
Диггәт: Хәбәрдән истифадә етдикдә мәнбәјә истинад лазымдыр
