Әһли Бејт -АБНА- хәбәр аҝентлијинин вердији хәбәрә әсасән:
Онсуз да чох аҹынаҹаглы вәзијјәтдә олан мәмләкәтимиздә Ислам вә Исламчылара гаршы дөвләт сәвијјәсиндә исламофобија вә репрессијалар давам едир. Бу ҝүн руһани гардышымыз Һаҹы Абҝүл Сүлејманов, Ислам-азәри сајтынын баш редактору Һаҹы Рамин Бајрамовун вә диҝәр инанҹлыларын һәбсләри мүбарәк Рамазан ајында һәм Аллаһ-Тааланын, һәм дә оруҹ тутуб, ибадәтлә мәшғул олан инанаҹлы халгымызын гәзәбини дөвләт рәсмләринә јөнәлтмишдир. Бу ҝүнләр өлкәмиздә исламчылара гаршы әгидәләринә сајғы сәбәбиндән һәм Ислам ганунлары, һәм дә бејнәлхалг һүгуга әсасән дөвләт ҝүҹ структурлары тәрәфиндән ҹинајәтләр баш вермәкдәдир!
Һиҹаб вә Һиҹаб Мәһбусларыны Мүдафиә Комитәси өлкәмиздә, Гуран вә Әһли-Бејт (а) алимләринә вә ашигләринә гаршы ҹинајәтләрин дәрһал дајандырылмасыны, мүһарибә вәзијјәтиндә олан халыгмызын талеји илә рүсвајчы ојуна сон гојулмасыны тәләб едир.
Һиҹаб вә Һиҹаб Мәһбусларыны Мүдафиә Комитәси исламчылара гаршы дөвләт рәсмиләри тәрәфиндән олан бу һагсызлыг, ҹинајәт вә ишҝәнҹәләрин ики аҹы агибәти һаггында өлкә руһаниләри, алимләри, зијалылары вә мүсәлманларына хатырлама верир:
Онлардан бири Аллаһ-Тааланын бу мүбарәк Рамазан ајында бүтүн бу ҹинајәтләри ҝөрүб сусан, етираз сәсини вә фәрјадыны галдырмајанлары һәдәләјән илаһи бәладыр. Аллаһ-Таала Јасин сурәсинин 28-29-ҹу ајәләриндә бујурулур ки, Һәбиб ибн Нәҹҹар адлы ади бир мөминин зүлмлә шәһадәтә јетирмәләринә ҝөрә бүтөв мәмләкәтә елә бир бәла ҝәлир ки, орадан кимсә сағ чыхмыр. (јухарыдакы ајәјә диггәт олунсун)
Икинҹи хәбәрдарлыг исә зүлм вә һагсызлыгдан ҹана дојмуш мүсәлман халгын гәзәбидир. Бүтүн бу һагсызлыглар артыг мүсәлман халгымызын гәзәб касасыны дашдырыр вә нәтиҹә бу ола биләр ки, халгын мүгәддәс һәрәкаты гаршысында дајананлар онларын ајаглары алтында галыб мәһв олсун!
Диггәт: Хәбәрдән истифадә етдикдә мәнбәјә истинад лазымдыр
