Әһли Бејт -АБНА- хәбәр аҝентлијинин вердији хәбәрә әсасән:
Дөвләт тәрәфиндән тәјин олунмуш вәкил Илјасова Ҝүларәнин һәбс олунан шәхсин аиләсинә вердији мәлумата ҝөрә, Ариф Гәнијев силаһ вә наркотик сахламагда иттиһам олунур
Азәрбајҹан Ислам Партијасынын тәшкилаты мәсәләләр үзрә сәдр мүавини Ариф Гәнијевин һәбс олунмасы илә бағлы хәбәр вермишдик. Артыг Ариф Гәнијевин һансы маддәләр үзрә иттиһам олунмасы мәлум олуб. Дөвләт тәрәфиндән тәјин олунмуш вәкил Илјасова Ҝүларәнин һәбс олунан шәхсин аиләсинә вердији мәлумата ҝөрә, Ариф Гәнијев силаһ вә наркотик сахламагда иттиһам олунур. Вәкилин дедикләринә ҝөрә, Ариф Гәнијевин машынындан силаһ вә мүәјјән мигдарда наркотик тапылыб. Һәмчинин вәкил билдириб ки, Ариф Гәнијев она гаршы атылан иттиһамлары рәдд едиб. Бу барәдә редаксијамыза Ариф Гәнијевин јахлнлары мәлумат вериб. Һадисә илә бағлы һәлә ки, һеч бир рәсми ачыглама верилмир.
Гејд едәк ки, Ариф Гәнијевин аиләси мәсәлә илә әлагәдар Анар Гасымову вәкил тутублар.
Диггәт: Хәбәрдән истифадә етдикдә мәнбәјә истинад лазымдыр
