Әһли Бејт -АБНА- хәбәр аҝентлијинин вердији хәбәрә әсасән:
Бунунла бағлы М.Сәмәдов вә ону мүдафиә едән бир нечә шәхс сонра инзибати гајдада һәбс едилмиш вә онлара гаршы һәбс мүддәти баша чатмамыш һеч бир аидијјаты олмајан ағыр иттиһамлар ирәли сүрүлүб.
АИП һәбс олунанларын фәрди кејфијјәтләринә, онларын вәкилләринин истинтаг вә мәһкәмә арашдырылмасынын ҝедишиндәки мүнасибәтинә истинад едәрәк бәјан едир ки, Мөвсүм Сәмәдов вә онунла бирликдә ејни иттиһамларла һәбс олунанларын һеч вахт ағыр ҹинајәт төрәтмәк фикирләри олмајыб. Онлар һеч кимә гаршы дүшмәнчилик мүнасибәти бәсләмәјиб, һеч бир силаһ әлдә етмәјибләр. Амма бүтүн бунлара бахмајараг, истәр истинтаг просесиндә, истәрсә дә мәһкәмә һазырлығы вә илкин мәһкәмә истинтагында мүдафиә тәрәфинин әсаслы гајдада ирәли сүрдүкләри чохсајлы вәсатәтләри тәмин олунмајыб вә рәдд едилиб. Бу исә мәһкәмәнин, ејни заманда истинтаг просесинин гәрәзли кечирилмәсиндән хәбәр верир. Даһа зиддијјәтли амил исә истинтаг материалларында һәбс олунанларын ҝуја Губада јашајан јәһуди вәтәндашларымыза гаршы террор вә ја силаһлы басгын едәҹәкләри амилидир.
АИП белә бир әсассыз иттиһамы өлкәмиздә сүни шәкилдә милли вә ирги гаршыдурма јарадаҹаг амил кими гијмәтләндирир. Чүнки бу кими һаллар халгымызын ментал хүсусијјәтләринә дахил олмајыб. Буна ујғун олараг АИП өз Низамнамәсиндә белә һәр ҹүр милли вә ирги ајрысечкилији рәдд едир, ҹәмијјәтдә барыш, гардашлыг, инсан һагларынын, иззәт вә ләјагәтин горунмасына чалышыр. Бу, һәм дә үмумән Ислам дининин әсас тәләбләриндәндир.
Биз мәһкәмә истинтагында ҝүнаһсыз инсанлара бәраәт верилмәсини, һәбс олунанларын симасында халгымызын бејнәлхалг имиҹинә сүни зәрәр вә ләкә ҝәтирә биләҹәк ҹәһдләрин тезликлә арадан галдырылмасыны тәләб едир, Рамазан ајынын сонуна гәдәр һәмин инсанларын аиләләринә говушмаларыны Уҹа Танрыдан истәјирик.
Диггәт: Хәбәрдән истифадә етдикдә мәнбәјә истинад лазымдыр
