Әһли Бејт -АБНА- хәбәр аҝентлијинин вердији хәбәрә әсасән:
Мүраҹиәтдә дејилир:
04 август 2011-ҹи ил тарихдә Бакы Ағыр Ҹинајәтләр Мәһкәмәсиндә АИП сәдри М.Сәмәдов партија функсионерләри вә Азәрбајҹанын танынмыш дин алимләринин гәрәзли вә гондарма (һакимијјәти зорла әлә кечирмәк, ганунсуз силаһ-сурсат сахламаг, терор төрәтмәјә һазырлыг ҝөрмәк) иттиһамы илә ҹинајәт иши үзрә мәһкәмә иши давам етдирилди.
Тәгсирләндирән шәхсләр, онларын вәкилләри елан олунан иттиһамнамәјә гәти етираз билдирдиләр. Вәкилләр вә тәгсирләндирилән шәхсләр тәрәфиндән верилмиш вәсатәтләрин һеч бир әсас ҝәтирилмәдән рәдд едилмәси мәһкәмәнин објектив апарылмамасыны ҝөстәрир. Бүтүн гануни вәсатәт вә етиразлара бахмајараг, һаким Елдар Исмајыловун сәдрлији илә һејјәт, мәһкәмә истинтагына башламаг һагда гәрар гәбул етмәклә, Азәрбајҹан Республикасы ҸМ-ин мүвафиг гајда вә маддәләри позулмушдур.
Мүдафиә Комитәси мәһкәмә просесинин гануни вә әдаләтли апарылмајаҹағына, гәрәзли вә сифаришли гәрарларынын гәбул едиләҹәји еһтималынын јүксәк олдуғуну нәзәрә алараг, сизләрә мүраҹиәт едир:
Иттиһам тәрәфи објектив сүбут вә дәлилләр олмадан иттиһамын әсас истигамәт вә деталларыны ачыгламадан тәгсирләндирилән шәхсләр вә онларын вәкилләрини мүдафиәни һансы истигамәтдә вә неҹә тәшкил едәҹәјинә имкан вермир. Диҝәр тәрәфдән һәбс олунанлара, әвәлләр елан олунмамыш јени гондарма иттиһам - јәһудиләрә гаршы силаһлы һүҹума һазырлыг - иттиһамы ирәли сүрүлүр ки, бу да Азәрбајҹанда милли-дини зәминдә сүни гаршыдурма јаратмаг, Азәрбајҹанын бүтүн дүнјада һәгиги толерант өлкә имиҹинә ҝүҹлү зәрбәдир.
АИП сәдри Мөвсүм Сәмәдов вә диҝәр иттиһам олунанлар сијаси вә виҹдан азадлығы мәһбусларыдыр. Өлкә вә дүнја иҹтимаәтинә мәлумдур ки, АИП сәдри, партија функсианерләри Азәрбајҹанын танынмыш дин алимләринин вә руһаниләринин һәбсинә сәбәб мәһз М.Сәмәдовун АИП-ин 02.01.2011 Баш Мәҹлисинин топлантысында һиҹаба гаршы олан тәхрибат вә гадағалара, инсан аздлығы вә һүгугларынын позулмасына өлкәдә баш алыб ҝедән коррупсија вә рүшвәтхорлуға, јаланчы исламофобјаја ҝөрә һакимијјәти тәнгид етмәси олмушдур. Бу кими тәнгиди чыхышлар Азәрбајҹан Конститусијасы илә бүтүн вәтандашлара верилмиш гануни бир һүгугдур. Дүнјанын демократик өлкәләриндә гәбул едилмиш, үмумдүнја инсаг һаггы вә һүгугу кими танынан һәр бир вәтәндашын өз фикир вә әгидәсини сәрбәст ифадә етмәк азадлығы мөвҹуддур.
Мүдафиә Комитәси Азәрбајҹан халгына, иҹтимаи сијаси тәшкилатлара, һүгуг мүдафиә тәшкилатларына, КИВ нүмајәндәләринә Азәрбајҹанда аккредитә олунмуш хариҹи дөвләт сәфирликләринә, бејнәлхалг һүгуг-мүдафиә тәшкилатларына мүраҹиәт едәрәк, хаһиш едир ки, АИП сәдри М.Сәмәдов партија функсионерләри, дин алимләри вә руһаниләрә гаршы апарылан гәрәзли мәһкәмә просесинин гаршысынын алынмасы, просесин ганун вә әдаәләт чәрчивәсиндә апарылмасына, демократык дәјәрләрә һөрмәт олунмасына, просесин аудио-видео ишыгландырылмасына фәал јардым ҝостәрсинләр.
Мүдафиә Комитәси инаныр ки, бирҝә сәјләр сајәсиндә һәгигәт үзә чыхаҹаг вә әсл ҝүнаһкарлар лајигли ҹәзаларына чатаҹаглар.
Диггәт: Хәбәрдән истифадә етдикдә мәнбәјә истинад лазымдыр
