Әһли Бејт -АБНА- хәбәр аҝентлијинин вердији хәбәрә әсасән:
Сәнәддә о да дејилир ки, полисләр шәһәрдә бир нечә зоракылыг һадисәсинин шаһиди дә олублар. Һүгугмүһафизә органлары артыг күчәләрдәки таланчылыға дөзмәјәҹәкләрини, оператив вә сәрт өлчүләр ҝөтүрәҹәкләри барәдә бәјанат верибләр.
Рәсми олмајан мәлуматлара ҝөрә, дүнән ахшам Манчестердә вә Бристолда да иғтишашлар башлајыб.
Лакин күтләви иғтишашларын мәркәзи һәлә ки, Лондон олараг галыб. Мүнагишәдә һәтта 7 јашлы ушаглар да (тәгрибән 50-јә јахын) иштирак едиб. Полис јерли сакинләрдән ушаглара диггәт етмәләрини вә мүнагишә заманы евдән чыхмамаға чағырыб. Һадисә илә әлагәдар 11-46 јаш арасы 300 дән чох инсан сахланылыб. 69 нәфәри исә артыг иттиһам олунур.
Бөјүк Британијанын баш назири Девид Кемерон бу ҝүн Италијада олан мәзунијјәтини јарымчыг гојараг Лондона гајыдаҹаг. Хатырладаг ки, бир мүддәт әввәл дә баш назирин мүавини Ник Клегг, ДИН рәһбәри Тереза Меј вә Лондонун мери Борис Ҹонсон мәзунијјәтдән јарымчыг гајытмышдылар.
Бундан әлавә Британија депутатлары бу илин ијул ајындан јај тәтилинә ајрылмыш Парламентин вахтындан әввәл чағырылмасыны тәләб едибләр. Гејд едәк ки, бу сон он илдә Парламент јалныз ики дәфә вахтындан әввәл чағырылыб: 2001-ҹи ил 11 Сентјағбр һадисәләриндән сонра вә 2002-ҹи ил «Ирак досје»сини мүзакирә етмәк үчүн.
Диггәт: Хәбәрдән истифадә етдикдә мәнбәјә истинад лазымдыр
