Әһли Бејт -АБНА- хәбәр аҝентлијинин вердији хәбәрә әсасән:
Ајәтуллаһ Мәкарим Ширази бу ҝүн Гум шәһәриндә Һәзрәт Мәсумә (с.ә) ханымын һәрәминдә чыхышы заманы “Сәба” тајфасынын тарихиндән данышыб вә билдириб ки, бу тајфа вәзифә вә сәрвәтә чатмаға чалышмаг үчүн ҝөстәрдикләри сәјләрә ҝөрә Аллаһ тааланын әзабына ҝирифтар олдулар. “Гуранда бу һагда бујурур ки, онлар Аллаһдан үз дөндәрдикләри үчүн евләри, гәсрләри вә бағлары гуру бијабана чеврилди”, -дејә Ајәтуллаһ Мәкарим Ширази билдириб.
Ајәтуллаһ гејд едиб ки, Илаһи әзаб бу тајфаја немәтләрә шүкр етмәдикләри үчүн назил олду. Онлара Аллаһ сабитлик вә бәрәкәт вердији һалда онлар Аллаһдан үз чевирибләр вә нашүкүрлүк едибләр. Даһа сонра Сомали халгынын вәзијјәти һагда данышан алим, мүсәлманларын бу мәзлум халга дәстәк олмасынын зәрурилијиндән бәһс едиб.
Ајәтуллаһ Мәкарим Ширази Имам (ә.ф) сәһминин үчдәбир һиссәсинин бу мәзлум халга јардым кими ҝөндәрилмәсинә иҹазә вериб вә өз һесабындан 10 мин доллар һәмин халга јардым ајырыб.
Ајәтуллаһ Сафи Гүлпајигани исә дүнја мүсәлманларына мүраҹиәт едәрәк мүбарәк Рамазан ајы ҝүнләриндә аҹлыгдан әзијјәт чәкән Сомалијә јардым етмәјә чағырыб.
Аҹлары дојуздурмағын һәр бир һәгиги мүсәлманын борҹу олдуғуну вурғулајан Ајәтуллаһ Сафи ҹәнаблары гејд едиб ки, һуманитар фәлакәт Сомалидә минләрлә инсанын һәлак олмасына сәбәб олуб вә бу халгын дәрдләри дөзүлмәздир.
Гејд едәк ки, Ајәтуллаһ Сафи ҹәнаблары артыг Сомалидәки ушаглар үчүн 5 милјон түмән ајырыб
Диггәт: Хәбәрдән истифадә етдикдә мәнбәјә истинад лазымдыр
