Әһли Бејт -АБНА- хәбәр аҝентлијинин вердији хәбәрә әсасән:
15 мај тарихиндән Испанијада режим әлејһинә баш галдырмыш етираз далғасынын мәркәзи Мадридин "Сол" мејданы иди. Биллдијимиз кими, етиразчылар ики ҝүн өнҹә бу мејданы тәрк етмишди. Амма Сол мејданында јенидән топлашманын гаршысыны алмаг үчүн дөвләтин мүәјјән планлар һәјата кечирдијини ҝөрән Испанија халгы гәзәбләнәрәк јенидән күчәләрә ахышыб. Артыг ики ҝүндүр ки, минләрлә етиразчы Мадрид күчәләриндә етираз аксијаларыны бәрпа едибдир.Сол мејданына чыхан бүтүн јоллара полис баррикадасынын гурулмасы нүмајишчиләрин бу мејдана дахил олмасыны әнҝәлләјибдир. Полис һәтта журналистләрин белә бу мејдан әтрафында һәрәкәтинә иҹазә вермир.
Әлдә олунан мәлуматлара әсасән, ҝетдикҹә полислә етиразчылар арасында ҝәрҝинлик артыр. Полис артыг туристләри илә мәшһур олан Преҹиадос проспектини дә гападыбдыр.
Артыг Мадриддән башга Барселона вә Валенсија шәһәрләриндә дә етиразчы груплар күчәләрә ахышмаға башлајыб.
Диггәт: Хәбәрдән истифадә етдикдә мәнбәјә истинад лазымдыр
