Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын хариҹи ишләр назири: Иран Ислам Республикасы нүвә програмыны дајандырмајаҹаг вә тәзјигләр гаршысында мүгавимәт ҝөстәрәрәк бир аддым белә ҝери чәкилмәјәҹәк.
Әли Әкбәр Салеһи Русија Әл-Јоум телеканалы илә мүсаһибәдә билдириб: Иран АЕБА үзвү вә нүвә силаһларыны гадаған едән сазишин бир тәрәфи кими бу сазишә еһтирамла јанашаҹаг.
Чүнки нүвә силаһларына гојулан гадаға Иран Ислам Республикасынын да хејринәдир.
Мүшаһидәчиләрин фикринҹә, Ислам Республикасынын сүлһсевәр нүвә фәалијјәти Гәрбин јеҝанә проблеми дејил. Әслиндә бу сүбутсуз иддиаларда әсас мәгсәд иранофобија сијасәтләри вә Иранын диҝәр өлкәләрә тәсир гүввәсинин зәифләдилмәсидир. Чүнки Иранын инкишаф хәтти Гәрбин инһисарчы сијасәтләри вә һеҝемонијасына зәрәр вура биләр. Нүвә енержисинин миллиләшдирилмәси Иранын тәрәгги етмиш тәфәккүрүндән мәншәләндији үчүн Гәрбин буну ҝөрән ҝөзү јохдур. Она ҝөрә дә Америка Иранын нүвә силаһлары ардынҹа олдуғу иддиасыјла бу өлкәјә тәзјигләрин чохалмасыны нәзәрдә тутуб. Елә бу мәгсәдлә дә терроризм вә суи-истифадәләр кими тәзјигләр тактикасына әл атыб.
Һәгигәтдә Гәрб өлкәләри Иранын нүвә фәалијјәтини әлдә бајраг тутараг сијаси аренаја дахил олуб. Онларын фикринҹә, Ираны тәзјиг алтына салмагала ону бу јолдан чәкиндирмәјә наил олуб, өз сијаси истәкләринә чатаҹаглар. Бу елә бир һалдадыр ки, бүтүн дүнјада нүвә силаһындан истифадә едән, јүз минләрлә јапонијалыны өлүмә сүрүкләјән илк вә јеҝанә өлкә Америкадыр.
Америка етимад едиләси бир өлкә дејил. Чүнки о, һәм Ирагда, һәм дә Әфганыстанда башладығы мүһарибә илә тәһлүкәсизлик, терроризмлә мүбаризә вә демократија ардынҹа олмадығыны ҝөстәрди.
Гәрб өлкәләринин Иранын нүвә програмы һагда сүст иддиалары буну демәјә әсас верир ки, АБШ вә бир сыра мүттәфиг өлкәләр өз мәнафеләрини ҝүдән сијасәтә архаланыр. Амма АЕБА-нын рәсми һесабатларында буну сүбут едән фактлар јохдур. Бунунла белә, бүтүн тәрәфләрин разылығына сәбәб ола биләҹәк чыхыш јоллары һеч вахт фајдасыз олмајыб. Елә бу ҹәһәтдән дә, Иран Ислам Республикасы 2 ил бундан әввәл 5+1 групуна тәгдим етдији тәклифләр пакетиндә өз һәгиги маһијјәтини нүмајиш етдирсә дә, гаршы тәрәфин Иранла мүзакирә нијјәти олмадығыны үзә чыхарды.
Диггәт: Хәбәрдән истифадә етдикдә мәнбәјә истинад лазымдыр
