Әһли Бејт -АБНА- хебер аҝентлијинин вердији хәбәрә әсасән: Академик Зија Бүнјадовун гәтлилә бағлы “Азадлыг”да дәрҹ олунан сабиг полис забити Салман Әлијевин ачыгламасы ҹидди мараг доғуруб. Һәмин ачыгламада С.Әлијев З.Бүнјадовун гәтлинин изинин Дахили Ишләр Назирлијинә (ДИН) ҝедиб чыхдығыны билдирмишди.
Гәзетимизә данышан С.Әлијев демишди ки, бу гәтллә бағлы ДИН-ә илк мәлумат верән шәхсләрдән олуб: “Һәмин мәлумат исә Зија Бүнјадовун дахили ишләр органларында көк салмыш бир дәстә тәрәфиндән гәтлә јетирилмәси барәдә иди. Мәһз бундан сонра мәни сабиг баш прокурор Елдар Һәсәновун мәктубу әсасында бу гәтллә бағлы јарадылан истинтаг групуна дахил етдиләр. Сүбутлар, дәлилләр, мәлуматлар демәјә әсас верирди ки, Зија Бүнјадов ДИН-ин бир груп әмәкдашы тәрәфиндән гәтлә јетирилиб. Лакин иши сона чатдырмаға имкан вермәдиләр”.
Академикин гәтли илә бағлы јарадылан ики әмәлијјат-истинтаг групундан биринҹисинә дахил олан С.Әлијев гәтллә бағлы арашдырмалар заманы кифајәт гәдәр фәаллыг ҝөстәриб. О, ДИН-дәки дәстә барәдә тутарлы фактлар әлдә едәрәк истинтага тәгдим етсә дә, онлар нәзәрә алынмајыб. Әвәзиндә әмәлијјат-истинтаг групунун үзвләринә, хүсусилә дә С.Әлијевә гаршы ҹидди тәзјигләр башлајыб. Бу тәзјигләрин исә ДИН-ин јухары сәвијјәләриндән ҝәлдији һисс олунурмуш.
С.Әлијевин сөзләринә ҝөрә, З.Бүнјадовун гәтлиндә әсл ҝүнаһкарлары мәсулијјәтдән кәнарда сахламаг үчүн сонда әмәлијјат-истинтаг групу јениси илә әвәзләнди. Нәтиҹәдә әмәлијјат-истинтаг групу сифаришлә ҹинајәти “Һизбуллаһ” тәшкилатынын үзәринә јөнәлтди. Бунунла да академикин гатилләри мәсулијјәтдән кәнарда галды.
С.Әлијевин ачыгламасында мараглы мәгамлардан бири З.Бүнјадовун гәтлә јетирилдији силаһын Һаҹы Мәммәдовун дәстәсини зәрәрсизләшдирәндә МТН тәрәфиндән мәһз онларын үзәриндән тапылмасы илә бағлы сөјләдикләридир. Амма мәсәләнин даһа бир гаранлыг тәрәфи һәмин силаһ барәдә даһа сонра һеч бир мәлуматын верилмәмәсидир.
Зија Бүнјадовун гәтли илә бағлы һәбсдә јатанлар ҝүнаһсыздыр
“Јени Мүсават” гәзетинин дүнәнки сајында исә гәзетимиздәки ачыглама илә бағлы танынмыш журналист, кечмиш сијаси мәһбус Ејнулла Фәтуллајевин мараглы фикирләри јер алыб. 1 сајлы ҹәзачәкмә мүәссисиндә оларкән бу гәтлдә иттиһам олунан групун үзвләри илә растлашыб вә онларла сөһбәт етдијини дејән Е.Фәтуллајев һазырда бу гәтлә ҝөрә һәбсханада јатанларын ҝүнаһсыз олдуғуну сөјләјир: “Онларла һәфтәләрлә сөһбәтләрим олуб. Бу инсанлар доғрудан да ҝүнаһсыз һәбсдә јатырлар. Бу гәтллә бағлы ики груп һәбс олунуб. Сонрадан онлары бирләшдирибләр. Белә тәәссүрат формалашдырмаг истәјибләр ки, ҝуја бунлар бир груп олараг бу гәтлдә ҝүнаһкардыр. Бу груплардан бири исламчылардыр. Онлар истинтаг заманы да дејибләр ки, разыјыг, бизи радикал исламчы кими һәбс един, амма биз бу гәтлин иштиракчысы дејилик. Мән онларын иш материаллары илә дә таныш олдум. Һеч бир сүбут базасы јохдур. Диҝәр групдакылар исә тамамилә тәсадүфи инсанлардыр.
Мәсәлән, о групда олан бир нардаранлы һаҹы вар. Һәмин гәтл заманы бир полис забити - Габил Бабајев дә сәрһәддә өлдүрүлмүшдү. Онун истифадәсиндә олан телефон нөмрәси һәмин бу нардаранлынын адына олуб. Бу адам кәнддә балаҹа бир мағаза ишләдиб вә Габил Бабајевлә танышлыглары олуб. Габилә нә заманса телефон нөмрәси лазым олуб, һаҹынын адына сим-карт алыб. Инди һаҹыја гаршы јеҝанә сүбут кими буну ҝөстәрирләр. Ҝуја бу адам Һәҹҹ зијарәти заманы ”Һизбуллаһ”ла әлагә гуруб, гәтл ишиндә әлагәләндириҹидир. Тамамилә абсурд бир иддиадыр. Мән онунла сөһбәт едәндә гәһәрләнмишдим. Там әминликлә сөјләјирәм ки, о адамын бу гәтлә аидијјәти јохдур. О, истинтаг заманы дәһшәтли ишҝәнҹәләрә мәруз галса да, һеч бир иддианы гәбул етмәјиб, бу ҝүн дә гәбул етмир. Јалныз бир нәфәр - Абшеронун кечмиш иҹра башчысынын оғлу исә ишҝәнҹәләрә дөзмәјәрәк сәнәдләрә гол чәкиб вә өмүрлүк мәһкум едилиб.
Һәмин групун үзвләри мәнә чох мараглы бир факт данышдылар. 2005-ҹи илдә Һаҹы Мәммәдовун бандасы ифша едиләндә бу иш үзрә һәбсдә јатан адамлары түрмәнин рәис мүавини чағырыб дејиб ки, сизи тәбрик едирәм, јәгин бу јахынларда сизин ишинизә јенидән бахылаҹаг вә азад едиләҹәксиниз. Чүнки Һаҹы Мәммәдовун һәбси заманы белә бир анонс верилмишди. Һәмчинин хејли адамларын ҝүнаһсыз јатдығы үзә чыхмышды. Груп үзвләри буна севинибләр, амма сонра онларын һәбси илә бағлы чәкилмиш бир филм јенидән телевизијада нүмајиш етдирилиб. Онда һәмин адамлар баша дүшүбләр ки, үмидләри пуча чыхыб, бу иши белә дә сахлајаҹаглар”.
Бу гәтлин тәфәррүатларыны 3 нәфәр билир
Бу ишә Һ.Мәммәдовун дәстәсинин аидијјәти олмасына ҝәлинҹә, Е.Фәтуллајев дејиб ки, буну сөјләмәк үчүн әлиндә факт јохдур. Е.Фәтуллајев З.Бүнјадовун гәтли илә бағлы тәфәррүатларын өлкәдә үч нәфәрә мәлум олдуғуну сөјләјиб. Бунлар Елдар Һәсәнов, Азәр Ваһабзадә вә вәкил Аслан Исмајыловдур: “Елдар Һәсәнов Республика Прокурорлуғуна рәһбәрлик етдији заман бу гәтлин ачылмасына јахынлашылыб. О заман Истинтаг Идарәсинин рәиси Азәр Ваһабзадәнин бу ишдә мисилсиз хидмәтләри олуб. Бүнјадовун гәтли илә бағлы ики нәфәрдә - Елдар Һәсәнов вә Азәр Ваһабзадәдә чох дәгиг мәлумат вар. Онлар һәгигәти билир. Вә бир дә бу иши тәфәррүатлары илә билән вәкил Аслан Ысмајыловдур”.
“Зија Бүнјадовун гәтли илә бағлы там һәртәрәфли арашдырма апарылдығына инанмырам”
Танынмыш вәкил Аслан Исмајылов гәзетимизә ачыгламасында билдириб ки, З.Бүнјадовун гәтлинә ҝөрә һәбс олунмуш вә “Һизбуллаһ”ла әмәкдашлыгда иттиһам олунан шәхсләрин әсассыз ҹәза чәкдикләри илә бағлы онда мәлумат јохдур. Амма А.Исмајылов бир мәгама диггәт чәкиб ки, әҝәр онлар һәгигәтән дә ҝүнаһсыздырларса, һәлә дә ҹәза чәкмәләри суал доғурур: “Чүнки онларын ичәрисиндә, валидејнләринин чох ҝениш әлагәләри олан шәхсләр вар. Она ҝөрә дә инанмырам ки, бу шәхсләр һәбсдә сучсуз јатдығы бир заманда, ҝениш әлагәли гоһумлар сакит дајансын”.
Диҝәр бир тәрәфдән З.Бүнјадовун гәтли илә бағлы тәфәррүатлары билдијилә бағлы сөјләниләнләрин һәгигәтә ујғун олмадығыны дејән А.
