Әһли Бејт -АБНА- хәбәр аҝентлијинин вердији хәбәрә әсасән: Дини Етигад вә Виҹдан Азадлыгларыны Мүдафиә Мәркәзинин (ДЕВАММ) башлатдығы “Јүзминлик мүраҹиәт” имзатоплама кампанијасы јекунлашмаг үзрәдир. Артыг нәзәрдә тутулан 100 мин имза топланыб. Анҹаг имзатоплама просесинин ҝедишатыны, инсанларын кампанијаја гошулмаг истәјини нәзәрә алараг ДЕВАММ имзаларын топланмасы просесини давам етдирир.
Ејни заманда иҹтимаијјәтдән, хүсусән дә дини ҹамиәдән имза кампанијасына дәстәкләр давам едир. Маштаға гәсәбә сакини Һаҹы Елхан Ҝүлмәммәдов, Нардаранын “Рәһимә ханым (с.ә)” зијарәтҝаһынын ахунду Һаҹы Нуһбала Рәһимов, илаһијјатчы-алим Һаҹы Намиг Бабахан, Маштағанын “Фатимәји-Зәһра (с.ә)” мәсҹидинин ахунду Мәшһәди Балоғлан Балајев, илаһијјатчы-алим, Бинә сакини Һаҹы Илһам Әлизадә, илаһијјатчыларындан Һаҹы Сејјид Рәшид Талыбов, Бузовна “Ҹүмә” мәсҹидинин ахунду, Әһли-Бејт (ә) шаири Һаҹы Солтан Әлизадә вә диҝәр руһаниләр, иҹтимаијјәт нүмајәндәләри кампанијаја дәстәк верибләр.
Бузовна “Ҹүмә” мәсҹидинин ахунду Һаҹы Солтан имза кампанијасына гошулдуғуну вә мүраҹиәтә имза атдығыны дејиб. О, топланан 100 мин имзанын нәтиҹә верәҹәјинә инандыгларыны дејиб: “Мән өзүм дә кампанијанын вәрәгәсинә имза атмышам. Бизләр һамымыз бу мүраҹиәтә имза атмышыг. Буна мүнасибәтим мүсбәтдир, бу аддым лазым иди. Амма мәсәлә будур ки, 100 мин имза топланылдыгдан вә президентә ҝөндәриләндән сонра ҹаваб нә олаҹаг? Нә дејәҹәкләр? Инсанлар бундан нараһатдыр, һамы интизар вә һәјәҹан ичиндәдир. Јәни ҹамаат чох үмидлидир вә бу имзатоплама кампанијасына чох бағланыб. Сон сөзү президент демәлидир.”
Гејд едәк ки, ДЕВАММ сәдри Һаҹы Илгар Ибраһимоғлу “СаламНеwс”а ачыгламасында имза кампанијасы илә бағлы ҝөрүләҹәк ишләрлә бағлы даншыб. Һаҹы Илгар билдириб ки, кампанијанын ханымлардан вә кишиләрдән ибарәт олан комиссијалары ајры-ајрылыгда топланты кечирибләр. Илкин гәнаәт бундан ибарәтдир ки, топланмыш имзалары мүбарәк Рамазан ајынын илк һәфтәсиндә өлкә башчысына чатдырылаҹаг.
КӘНАН
Диггәт: Хәбәрдән истифадә етдикдә мәнбәјә истинад лазымдыр
