Әһли Бејт -АБНА- хәбәр аҝентлијинин вердији хәбәрә әсасән: Палигон хәбәр сајтына Азәрбајҹанын али мәктәбләринин бириндә тәһсил алан бир груп тәләбә гыз тәрәфиндән мүраҹиәт дахил олуб. Мүраҹиәтдә чох илҝинҹ мәлуматлар верилиб. Амма мүраҹиәтдә јер алан фикирләрлә бағлы дәгиг билҝиләр әлдә едә билмәдијимиздән чәкилән адлары ачыгламајаҹағыг.
Белә ки, мүраҹиәт мүәллифләринин сөзләринә ҝөрә, онлар Азәрбајҹанын нүфузлу али тәһсил оҹагларындан биринин тәләбәләридир. Вә мүәллифләрин сөзләринә ҝөрә, онларын тәһсил алдыглары али мәктәбдә мүәллимләр нәинки рүшвәт алмагдан чәкинмирләр, һәтта тәләбә гызхлара имтаһан гијмәтләринин мүгабилиндә әхлагсыз тәклифләр дә едирләр.
Мүраҹиәтдә дејилир: «… мүәллим имтаһандан кәсилмиш тәләбә В.Ҹ-јә ахшам онун гијмәтләрини дүзәлдә биләҹәјини сөјләди. В.Ҹ-дә ахшам иш вахты олмадығыны, һарада тәкрар имтаһан верә биләҹәјини сорушдугда мүәллим она «билирәм» дејиб Бакыдакы ресторан-сауналардан биринин үнваны јазылмыш кағызы верди. Вә билдирди ки, бү үнвана саат 9-да ҝәлә билсә, имтаһан проблеми нәдир, али мәктәби гызыл медалла битирәҹәк».
Тәбии ки, белә бир һадисәнин баш вермәси нәинки Азәрбајҹан мүәллиминин адына, үмумијјәтлә, тәһсил системинин адына олан биабырчылыг вә дәһшәт демәкдир. Һәр һалда, бу мәсәләјә мүвафиг гурумлар тәрәфиндән реаксија верилмәси даһа доғру олар.
Диггәт: Хәбәрдән истифадә етдикдә мәнбәјә истинад лазымдыр
