Әһли Бејт -АБНА- хәбәр аҝентлијинин вердији хәбәрә әсасән: Белчика әразисиндә ијулун 23-дән етибарән иҹтимаи јерләрдә нигабын гадаған едилмәси барәдә ганун гүввәјә миниб, - “РИА Новости” хәбәр верир.
Беләликлә, гәбул едилмиш гануна ҝөрә, нигаб гадағасыны позан вәтәндашлар 137,5 авро мәбләғиндә ҹәримә өдәмәли олаҹаг, сон һәддә исә онлары једди ҝүнлүк һәбс ҝөзләјәҹәк.
КИВ-ләрин апардығы арашдырмаја ҝөрә, һазырда Белчикада јүзләрлә әрәб әсилли вәтәндаш нигабдан истифадә едир. Буна ҝөрә дә һүгуг мүдафиәчиләри гәбул едилмиш гануну азлыгларын һүгугларыны позан вә ајры-сечкилијә сәбәб олан ганун һесаб едир.
Артыг ики Белчика вәтәндашы јени ганунвериҹилијин ләғв едилмәси тәләби илә Белчика Конститусија мәһкәмәсинә шикајәт әризәси илә мүраҹиәт едиб.
Диггәт: Хәбәрдән истифадә етдикдә мәнбәјә истинад лазымдыр
