Әһли Бејт -АБНА- хәбәр аҝентлијинин вердији хәбәрә әсасән: Норвечдән ҝәлән бу кадрлар бүтүн дүнјаны дәһшәтә салды. Партлајан бир бомба, сонра ҝәнҹлик гурултајында силаһлы һүҹум. Вә сөнән 91 һәјат.
Бејнәлхалг медиа сүрәтлә јајдығы бу һадисәни ан бә ан изләјәнләринә чатдырды. Анҹаг ҝүнаһкар јенә әнәнәви шүбһәлидә ҝөрүлүрдү. Дүнја медиасы террор һүҹумуну гәтијјәтлә Мүсәлманларын үзәринә јыхмаг нијәтиндә иди. Норвечин Ливијадакы фәалијјәтләри, карикатура галмагалы, Әфганыстанда әсҝәри олмасы кими сәбәбләр һүҹума сәбәб кими ҝөстәрилди.
Бунунла да кифајәтләнмәјиб иши рәсми ачыгламалара гәдәр шиширдәнләр олду. Американын "Нју-Јорк Тајмс" вә "Васһингтон Пост" гәзетләри, даһа да ирәли ҝедәрәк һүҹуму "Әнсар Әл Ислам" адында бир күрд груплашманын етдијини јајды.
Анҹаг бир мүддәт сонра Норвеч полиси террорчунун "сарышын бир норвечли" олдуғуну ачыглады. Бунунла белә бәзи шәрһчиләр дајанмады. ББҸ-јә ачыглама верән Инҝилис әсилли журналист Жонатһан Парис, Ислами террор гурплашмаларынын сарышын гәрбли камикадзеләри олдуғуну иддиа етди.
Анҹаг бу Норвеч полиси ҹинајәткарын кимлијини ачыглајана гәдәр чәкди. О андан сонра бир чох гәзет дәрһал сәһифәләрини дәјишди, бәзиләри исә тамамилә силинди. Анҹаг бу мәрһәләдән сонра һүҹумун бир "террорчу" јох, “норвечли бир чылғын" тәрәфиндән ишләндији јазылмаға башлады. Јәни һүҹуму едән Мүсәлман олса "террорчу", гәрбли олса "садәҹә бир чылғын" олмалыдыр.
Бир чох мүсәлман өлкә медиасы да биләрәк ја да билмәјәрәк ејни ахыма гапылды, ејни мәгсәдә хидмәт етди. Һәтта бир чохлары Ноервечин "11 Сентјабры" маншетини јазмагдан чәкинмәди.
/nеws/Хезерхебер
Диггәт: Хәбәрдән истифадә етдикдә мәнбәјә истинад лазымдыр
