Әһли Бејт -АБНА- хәбәр аҝентлијинин вердији хәбәрә әсасән: Бакыда гадын сүрүҹү ағыр јол гәзасы төрәдиб. Шаһидләрин вердији мәлумата ҝөрә, бу ҝүн сәһәр саатларында “Шәфа” стадиону јахынлығында гадын сүрүҹү идарә етдији “Жееп” маркалы автомобиллә јолу кечән ики гадын пијаданы - 23 јашлы Түрканә Һүсејнова вә онун баҹысы, 19 јашлы Ајсел Һүсејнованы вуруб. Пијадалардан бири һадисә јериндә дүнјасыны дәјишиб, диҝәри исә хәстәханаја апарыларкән јолда кечиниб.
Шаһидләр билдирибләр ки, һадисә заманы сүрүҹүнүн пијадалары вурдугдан сонра автомобили гәфил сахламасы бир нечә автомобилин тоггушмасына сәбәб олуб.
Һадисәни төрәдән сүрүҹүнүн ады ачыгланмыр. Фактла бағлы Низами рајон Полис Идарәсинин истинтаг шөбәси тәрәфиндән ҹинајәт иши башланыб, арашдырмалар давам етдирилир.
Диггәт: Хәбәрдән истифадә етдикдә мәнбәјә истинад лазымдыр
