Әһли Бејт -АБНА- хәбәр аҝентлијинин вердији хәбәрә әсасән: Ијулун 21-дә "Хәзәр Ләнкәран" вә Исраилин "Маккаби" (Тәл-Әвив) командалары арасында кечириләҹәк футбол үзрә Авропа Лигасынын II тәснифат мәрһәләсинин ҹаваб ҝөрүшүнә Ишғалчы Исраил Режиминин әлејһинә баннерләрин кечирилмәси вә трибуналарда сијаси шүарларын сәсләндирилмәси гадаған олунуб.
Бу һагда ојунун тәшкил олунаҹағы Ләнкәран шәһәр мәркәзи стадионунун директору Һөҹҹәт Һаҹыјев мәлумат вериб.
Һаҹыјевин сөзләринә ҝөрә, Ләнкәран шәһәр Полис Идарәсиндән онлара Иран вәтәндашларына билет сатмамағы да тапшырыб. Ејни заманда иранлыларын стадиона ҝиришинин гаршысы алынаҹаг. Мејданчаја Исраил әлејһинә баннерләрин кечирилмәсинә вә трибуналарда сијаси шүарларын сәсләндирилмәсинә дә јол верилмәјәҹәк.
Директор билдириб ки, бу тәдбирләр ојун заманы баш верә биләҹәк һәр һансы тәхрибатын гаршысыны алмаг үчүн ҝөрүлүб:
"Биз (јәни сионистләрин пулсуз нөкәрләри) Иран тәрәфиндән вә ја мүәјјән дини груплардан һәр ан тәхрибат ҝөзләјирик. Она ҝөрә дә ајыг-сајыг дајанмышыг. "Маккаби"нин тәһлүкәсизлији Тәл-Әвивдә "Хәзәр Ләнкәран"ын тәһлүкәсизлијиндән дә јүксәк сәвијјәдә горунаҹаг. Чалышаҹағыг ки, (нөкәрлик) имиҹимизә хәләл ҝәтирә биләҹәк һәрәкәтләрә јол верилмәсин".
Ијулун 19-дан Ләнкәранда олан Ишғалчы Исраил Режиминин командасы полисләр тәрәфиндән горунур. Һаҹыјев "Маккаби"нин Ләнкәран һава лиманындан галдыглары "Гала" отелинә футболчулары 6 полис автомобилинин өтүрдүјүнү ачыглајыб. Ишғалчы гонаг команда бу ҝүн саат 12:00-да Ләнкәран Олимпија Комплексинин мејданчасындакы мәшгә 4 полис машынынын мүшајиәти алтында јолланыб. Нөвбәти мәшг исә саат 20:30-да Ләнкәран шәһәр мәркәзи стадионунда кечириләҹәк. Сабаһ ејни саатда башланаҹаг ҝөрүшдә Ишғалчыларын тәһлүкәсизлијини 400-дәк полис, 300-дәк дахили гошун әсҝәрләри горујаҹаг.
Стадион директору "Хәзәр Ләнкәран" – "Маккаби" матчына марағын бөјүк олдуғуну сөјләјиб. Онун сөзләринә ҝөрә, сатыша чыхарылан 12 мин билетин, демәк олар ки, һамысы сатылыб. Онларын һамысыны "Хәзәр Ләнкәран" азаркешләри алыб. “Маккаби”нин 30-дәк тәрәфдары исә ВИП ложада јерләшдириләҹәк.
Гејд едәк ки, “Хәзәр Ләнкәран” Тел-Әвив аеропортунда илк дәгигәләрдән сүни манеәләрлә гаршылашмышдыр. Бир нечә саат һава лиманында јәһудиләр тәрәфдән ләнҝидилмишдир. Бу заман командамызын үзвләри мүхтәлиф формада тәзјигләрлә дә үзләширләр. Һалбуки “Маккаби” клубунун рәсмиләри бу мәсәләнин һәллинә вахтында чалышмалы идиләр. Амма Ишғалчы Исраил Режиминин футбол клубу тамамилә кәнарда галараг Јәһуди һөкүмәтинин ишинә мүдахилә етмәмәк бәһанәси илә јахасыны кәнара чәкир. Бу да “Бен Ҝрион” аеропортунун әмәкдашларынын әлинә әлавә бәһанә верир. Әсасән Азәрбајҹанлы футболчулары инҹидән Исраил тәрәфи һеч бир әсас олмадан јерсиз аддымлар атдығыны сонрадан етираф едир.(!)"Маккаби" вә "Хәзәр Ләнкәран" арасында ијулун 14-дә кечирилмиш илк ҝөрүшдә мејдан саһибләри мүтәлиф дәғәлбазлыгларла гәләбә газаныблар – 3:1.
Диггәт: Хәбәрдән истифадә етдикдә мәнбәјә истинад лазымдыр
