Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын президенти Маһмуд Әһмәдинежад ијулун 19-да өлкә мәсҹидләриндә мәдәни фәалијјәтлә мәшғул олан гурумун үзвләри гаршында чыхыш едәркән билдириб: “Мән үзүмү бөлҝә өлкәләринә тутуб онлара төвсијә едирәм ки, тезликлә ҝедәси олан Америкаја вә сионист режиминә алданмасынлар, билсинләр ки, онларын дөврү артыг баша чатыб. Онлар (Америка вә Исраил) сон тәпикләрини атыр, сон нәфәсини дәрир. Бөлҝә өлкәләри билмәлидир ки, Иран халгы илә достлуг етмәк онлар үчүн даһа хејирлидир”.
О хатырладыб ки, Иран халгы садиг достдур: “Иран халгы дедијинә әмәл едир. Әҝәр кимсә Иран халгынын дүшмәнләри илә әлбир олуб орда-бурда нәсә етмәк истәсә вә сабитлији позмаға чалышса, билмәлидир ки, Иран халгы дүнјада зүлмкарларын, еләҹә дә сионист режиминин көкүнү кәсмәк үчүн ајаг үстә дајаныб вә онларын һамысыны ҝора ҝөндәрәҹәк.
Бүтүн дүнја билир ки, Иран бөлҝәнин ән бөјүк һәрби ҝүҹүдүр. Биз бу сөзләри достлуғумуза ҝөрә, сизин хејиринизи нәзәрә алыб дејирик. Һеҝемон ҝүҹләрлә достлуг етмәк бөлҝә өлкәләринә хејир ҝәтирмәјәҹәк. Чүнки һеҝемон дөвләтләр һәр шеји өз мадди мараглары үчүн истәјир. Онлар мүхтәлиф милләтләр вә өлкәләр арасында гаршыдурма јаратмаға чалышырлар. Бөлҝә дөвләтләри өз халгларынын јанында олмалы, онларын һүгугларыны танымалыдыр”.
Диггәт: Хәбәрдән истифадә етдикдә мәнбәјә истинад лазымдыр
