Әһли Бејт -АБНА- хәбәр аҝентлијинин вердији хәбәрә әсасән: Ишғалчы Ермәнистанын мүдафиә назири Сејран Оһанјанын оғлу автомобил гәзасына дүшүб.
Мәлумта ҝөрә, Дағлыг Гарабағдакы ишғалчы баталјонлардан биринин гәрарҝаһ рәиси олан Артур Оһанјан һәрби машында гәзаја уғрајыб.
Һадисә ијулун 14-ү Ханкәнди-Ағдәрә јолунда баш вериб. Ичәрисиндә Артур Оһанјанын да олдуғу һәрби автомобил јолдан чыхараг 120 метр дәринлијиндә дәрәјә јуварланыб. Автомобилдәки 15 һәрбчи, о ҹүмләдән Артур Оһанјан јараланыб. Артур Оһанјан сыныгларла хәстәханаја јерләшдирилиб.
Сејран Оһанјан Ишғалчы Ермәнистанын мүдафиә назири постуну 2008-ҹи илдән тутур. О, 1962-ҹи илдә Шушада анадан олуб, 1983-ҹу илдә Бакыда һәрби мәктәби гуртарыб. Ишғалчы Гарабағ мүһарибәсинин әсас сималарындан биридир. Хоҹалы сојгырымында иштирак едиб. 1999-2007-ҹи илләрдә “ДГР”ин “мүдафиә назири”, 2007-2008-ҹи илләрдә Ермәнистан Силаһлы Гүввәләри Баш Гәрарҝаһынын рәиси олуб.
Диггәт: Хәбәрдән истифадә етдикдә мәнбәјә истинад лазымдыр
