Азәрбајҹанда Тәһсил Назирлијинин мәктәбләрдә һиҹабы гадаған етмәси илә башлајан "Һиҹаба азадлыг мүгавимәти" Азәрбајҹан тарихинин ән мүгәддәс вә шәрәфли бир мүбаризәси олараг тарихә кечди.
"Өләрик, амма Һиҹабы тәрк етмәрик!" шүарларыјла мејданлары вә күчәләри долдуран минләрлә гејрәтли мүсәлман, һүсејнчи бир фәрјадла "зилләт биздән узагдыр!" дејә һајгыраркән буну садәҹә бир сөз вә јазылы реаксијаларла ортаја гојмады. Онлар, Исламын мүгәддәсатыны мүдафиә едәркән һәр шејләриндән кечмәјә һазыр олараг, бир ан белә тәрәддүд етмәдән зинданлары, әзијјәт вә ишҝәнҹәләри дә нәзәрә алмышлар. Өлүмүн үзәринә горхусузҹа ҝедәнләрдир о мүгавимәтчиләр. Һаггы вә әдаләти јашатмаг үчүн ирәли атылан гәһрәман габагҹыллар, шаһидләр олдулар о мүгавимәтчиләр.
Мүгавимәтчиләрин Исламын мүгәддәсатынын горунмасы наминә синәләрини сипәр едәрәк зинданлара дүшмәси вә бүтүн дүнјанын "һиҹаб мәһбуслары"нын әјилмәз гүруруна шаһид олмасы, Азәрбајҹандакы Ислами ојанышы ҝөстәрмәклә јанашы, ејни заманда Исламын мүгәддәсатыны мүдафиә етмәнин ән ҝөзәл јолуну азад виҹданлара вә пак фитрәтләрә ҝөстәрмиш, өјрәтмишдир.
Азәрбајҹанлы иҝид мүсәлманлар һиҹабын мүдафиәси уғрунда ајаға галхаркән зиндан горхусујла ҝери чәкилмәмиш, "мәни дә тутарлар" нараһатлығы илә мүгавимәти тәрк етмәмиш, бәзиләри "мүгавимәт артыг дағылды" дејә дүшүнәркән јенидән мејданлара чыхараг бу дәфә јени иҝидләрини зинданлара јола салмышдыр. Бу ҝүн Азәрбајҹан мүсәлманларыны бу мүгәддәс мүгавимәт вә һиҹаб мәһбуслары истигамәтләндирмишдир. Азәрбајҹанлы мүсәлманлар, инанҹынын вә мәктәбинин иззәтини бу мүгавимәтлә вә зинданлардакы иҝидләр илә горумагдадыр.
Шүбһәсиз ки, мүгавимәтин мәгсәди өлкәдәки һиҹаб гадағасынын ләғвидир; буна ҝөрә дә, һиҹаб гадағасы ләғв едиләнә гәдәр мүбаризә давам едәҹәк. Ону да гејд етмәк лазымдыр ки, һәгиги галибијјәт һиҹаб гадағасы гаршысында зилләти гәбул етмәмәк гүрур вә ҹәсарәтинин ҝөстәрилмәси илә башламышдыр. Зүлмә гаршы мүгавимәт ҝөстәрмәнин өзү өзлүјүндә зәфәрдир. Зүлмүн сүтунларыны дағыдан да бу мүгавимәт ирадәсинин ҝүҹүдүр.
Һәзрәт Сејјидүшшүһәданын "Инсанлар дүнја гулудур, дин исә дилләриндәдир. Динин сајәсиндә доланышыглары јахшы олдуғу мүддәтдә ону мүдафиә едәрләр, чәтинликләрлә сынанылдыгларында исә диндарлар азалар" сөзләриндәки һикмәт долу мәналары, Азәрбајҹандакы "Һиҹаб гадағасы" мөвзусунда ҝөрдүк.
Азәрбајҹанын иҝидләри Исламын мүгәддәсаты вә шүарларыны мүдафиә етмәк үчүн һәр ҹүр ҹәфа вә әзијјәти севә-севә нәзәрә алыб мүгавимәт сәһнәсинә чыхдылар.
Бу дин вә мәктәб васитәсилә өзләринә мәнфәәт, мөвге, мәгам вә шөһрәт әлдә етмәјә чалышанлар исә ја сусдулар, ја горхуб гачдылар ја да һијләҝәр бәһанәләрин архасына ҝизләниб һиҹаб мүгавимәтинин тәсирини азалтмаг үчүн һәр јола баш вурдулар. Заһирән онлар Исламын мүгәддәсатыны мүдафиә едирдиләр, амма зилләт вә горхаглыг һәр һалларындан һисс едилирди. Имам Һүсејн Кәрбәлаја ҝедәркән, онун мүгавимәтинә гатылмаг ҹәсарәт вә гүруруну ҝөстәрә билмәјәнләрин сөздә өзләрини заһидлик, елм вә диндарлыг либасына бүрүндүрмәләри кими, онлар да, мүгавимәтин ҝурулдајан сәдасынын гаршысында гапы архаларында елм, мәдәнијјәт, барыш, диалог, сүлһ, узлашма шүарларыјла утанҹ дәһлизләриндә зәлилҹәсинә ҝәзиб дајандылар.
Онларын әсл һәдәфләри, Азәрбајҹан халгында формалашан "мүгавимәт мәктәби"нин бөјүмәсинин гаршысыны алмаг, јалныз мухлис, ҹәсур вә чалышган инсанларын ҝедә биләҹәји мүгавимәт хәттинин ҝөстәрдији јолун бағланмасыны тәмин етмәк иди. Онлар буну бәзән офисләрдә, бәзән минбәрләрдә, бәзән дә диҝәр мәканларда етдиләр.
Һакимијјәт Др. Мөвсүм Сәмәдова "Үзр истә, сөзүндән дөн, сәни сәрбәст бурахаг" тәклифини вердикдә, "Өләрәм, амма сөзүмдән дөнмәрәм. Сизин тәклифләринизи гәбул едәрәк һәбсханадан чыхаҹағамса, бир өмүр зинданда галмағы вә өлдүрүлмәји сечәрәм!" ҹавабы илә гаршылашмыш, бу иҝид лидер һиҹаб мүгавимәтинин парылдајан чөһрәсинә бир ләкә сүртүлмәсинә фүрсәт вермәмишди.
Јенә ејни шәкилдә, "һиҹаб мүгавимәти"нә лидерлик едиб һәбс едилән иҝид алимләрдән Һаҹы Тале Бағыров, зиндандан јаздығы мәктубунда, "Тез ја да ҝеҹ мүсәлман халг бу хәјанәтин гаршысыны алаҹаг. Биз зүлм вә һагсызлыға әсла ҝөз јума билмәрик. Чүнки бизләр Имам Һүсејн тәрбијәсилә бөјүдүк. Бизим һеч бир ҝүҹдән горхумуз јохдур. Бизим архамызда уҹа Аллаһ вар. Бизләр һиҹабын азадлығы уғруна, өз азадлығымызы фәда етмәјә һазырыг. Зилләтлә јашамагданса иззәтлә өлмәк шәрәфлидир!" ифадәләри илә ҝерчәк мәнада Пејғәмбәр вариси чалышган бир алимин неҹә олаҹағынын ән ҝөзәл нүмунәсини сәрҝиләмишди.
Диҝәр тәрәфдә исә, залым вә зорбалардан мәдәт уманлар, сөздә һиҹаб гадағанынын ләғви үчүн бәзи ҹәһдләр етдиләр вә етмәкдәдирләр. Бу Азәрбајҹан халгынын Ислами мүгавимәт хәттини гырмағы мәгсәд гојан ҹәһдләрдән башга бир мәна ифадә етмәмәкдәдир.
Иззәт, ҹәсарәт, фәдакарлыг хүсусијјәтләринин еһтива етдији мәналары дашыја билмәјәнләрин ҝетдији бу јол, мүсәлманлара заһирән бир азадлыг гапысыны ачаҹаг олса да, нәтиҹәдә бу һал, залыма әл узатмаг, зәлилҹә онун гаршысында әјилмәк, хәјанәт вә зорбалығы гануниләшдирмәкдән башга бир мәна дашымајаҹаг.
