Белә бир ҝүнләрдә бизә Әһли-бејт (ә) тәрәфиндән шадлыг вә шәнлик мәрасимләрини гејд етмәк сифариш олунубдур. Амма чох тәәссүфләр олсун ки, бу ҝүнләрдә бизим мүсәлман халгымызда бајрам кечирмәјә һәвәс галмамышдыр. Бу ҝүнләрдә Азәрбајҹан өлкәсиндә дәһшәтли һадисәләр баш вермәкдәдир. Мәсәлән, халг әлијевләр режиминин апардығы сијасәтләр нәтиҹәсиндә өз ҝәләҹәјиндән наүмид олуб интиһарлара әл атырлар вә јахуд иҹтимаијјәт арасында хулиганлыг баш верир вә гәтилләр төрәдилир. Диҝәр бир тәрәфдән дә азјашлы балаларымыз вәһши ермәни терорчу дөвләтинин ҹинајәтләриндән аманда галмырлар. Амма өтән ҝүнләрдә он үч јашлы гыз ушағынын вәһши ермәниләр тәрәфиндән һијләҝәрликлә гәтлә јетирилмәси, бүтүн Азәрбајҹан халгынын үрәјинә дағ чәкди. Биз руһаниләр дә онларын бу һәрәкәтинә биҝанә галмајыб буну гәтијјәтлә писләјиб вә мәһкум едирик. Амма бу һадисә бир даһа сүбут етди ки, әлијевләрин, онларын әлалтыларынын режими вә “минск групунун” данышыглары нәтиҹәсиз олуб вә милләтимизә ағыр зәрбәләр вурур. Бу тәкҹә он үч јашлы гыз ушағынын терорудур. Һалбуки Азәрбајҹан өлкәсиндә һакимијјәт тәрәфиндән ганунсуз олан һиҹаб гадағасы јүзләрлә мәктәбли гызларымызын мәнәвијјатынын тероруна сәбәб олуб вә һиҹаб аксијаларында да бир даһа ермәниләрин азәрбајҹанлы гадынлара вә гызлара гаршы ҹинајәтләри, һөрмәтсизликләри јенидән тәкрар олунду, һакимијјәт ермәниләрин үзүнү ағ етди. Азәрбајҹан халгы вә МРҸ бу ҹинајәтләри һеч вахт унутмајаҹаг. Азәрбајҹан мүбариз руһниләр ҹәмијјәти диҝәр бир мәсәләни дә Азәрбајҹан халгынын нәзәринә чатдырмаг истәјир ки, бу ҝүнләр ҝүндәмдә олан виҹдан вә һиҹаб мәһбусларынын мәһкәмәси просеси давам едир вә һәлә дә режим тәрәфиндән онларын барәсиндә әдаләтли гәрар гәбул олунмајыбдыр. Биз Азәрбајҹандакы режимә хәбәрдарлыг едирик ки, әҝәр мәһкәмә просеси әдаләтсиз давам етсә, виҹдан вә һиҹаб мәһбуслары иззәтлә азадлыға бурахылмаса, Мүбариз Руһаниләр Ҹәмијјәти бунунла барышмајаҹаг вә мүбаризә јолуну ахырынҹы мәһбус азадлыға бурахылана гәдәр иззәтлә давам етдирәҹәк.
Еј әзиз Азәрбајҹан халгы! Бизим јолумуз адымыздан мәлум олдуғу кими мүгәддәс сајылан мүбаризә вә мүгавимәт јолудур. Биз бу јолда һамыны өз имканы һәддиндә мүбаризә апармаға чағырырыг вә бу ҝүндән етибарән бүтүн баҹы-гардашлара билдиририк ки, сизин бу јолда атдығыныз һәр бир кичик аддым да белә, ҝәрәк мөминләрин иззәтинин вә мәһбусларын гаршысына гојдуглары мәгсәдләрин зиддинә олан һәрәкәт кими сајылмасын.
Бүтүн бунларын мүгабилиндә бизим сечдијимиз јол мүбаризә вә мүгавимәт јолудур. Биз руһаниләр буну һиҹаб мәсәләсиндән дә өнҹә Гүдс ҝүнләриндә, јахуд ишғалчы исраил режиминин әлејһинә олан митингләрдә өз иштиракымызла вә һәбсләримизлә бүтүн дүнјаја чатдырмышыг. Бу ҝүн биз һакимијјәтдә оланлара елан едирик: Әлләринизи ҝөјә галдырыб дуа един ки, бу һиҹаб мәсәләси өз һәллини тапсын вә мәһбуслар тезликлә азадлыға бурахылсын. Јохса биз руһаниләр дамарларымызда ахан сон дамла гана гәдәр бу мәсәләнин һәлли јолуну билиб вә бу јолда шәһид олана гәдәр ирәли аддым атаҹағыг. Чүнки биз бүтүн сивил јоллардан кечмишик. Биз имам Һүсејнин (ә) өвладларыјыг вә лазым ҝәлсә, залымла да белә диалога ҝирәрик, амма онун зүлмүјлә барышмарыг вә зүлмүнүн мүгабилиндә баш әјмәрик. Буна бизим һәм гејрәтимиз вә һәм дә әлимиздә олан ҝүҹ, имкан верир. Биз Азәрбајҹанда комунист режими тәрәфиндән шәһид едилмиш мәрһум Шејх Гүдрәт кими руһаниләрин јолунун давамчыларыјыг. Бу шәһид, руһаниләрин сүрҝүн вә едам олунан вахтында она тәгијјә етмәк барәсиндә тәклиф олунанда горхмадан руһаниләрә белә бујурду: “Дин тәһлүкәдә оланда, сизин вә мәним ҹанымызын дәјәри јохдур. Сона гәдәр бу залым һөкумәтлә мүбаризә апарын.”
Биз мүраҹиәтимизин сонунда мәрһум Ајәтуллаһ Мәрәши Нәҹәфинин кичик бир әһвалатыны нәзәринизә чатдырырыг. О, һиҹабын мүдафиәси үчүн Гум шәһәринин иҹра һакиминә, һиҹаблы гадынлара һөрмәтсизлик етдијинә ҝөрә, залым шаһын нүмајәндәсинин һәдә-горхуларына әһәмијјәт вермәдән, она үч дәфә хәбәрдарлыг етдикдән сонра, мәрҹәи тәглид олмасына бахмајараг, гулагынын дибиндән мөһкәм силлә вурмагла һиҹаба әл узадан дөвләт нүмајәндәсинә өз етиразыны бу формада билдирди.
