Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Милли Елмләр Академијасы Археолоҝија вә Етнографија Институтунун Шамахы-Ағсу Археоложи Експедисијасы Шамахы рајонунда ВЫЫЫ әсрә аид Ҝүлүстан галасында археоложи газынтылара башлајыб. АзәрТАҹ-а бу барәдә мәлумат верән експедисијанын рәиси Акиф Гулијев дејиб ки, Ҝүлүстан галасында апарылан тәдгигатлар орта әср Ширваншаһлар дөвләти, еләҹә дә Азәрбајҹанда тарихинин гаранлыг сәһифәләринин өјрәнилмәсиндә мүһүм јер тутур.
Азәрбајҹанын дөвләтчилик тарихиндә Ҝүлүстан галасы археоложи туризмин инкишафы бахымындан да бөјүк әһәмијјәт кәсб едир. Бу, тәкҹә реҝионун дејил, үмумиликдә Азәрбајҹанын бејнәлхалг аләмдә танынмасында әһәмијјәтли рол ојнаја биләр.
Ҝәләҹәкдә бу абидәнин консервасија вә бәрпасы Азәрбајҹана ҝәлән туризм ахыныны ҝүҹләндирәҹәк.
Галаја ҝедән јолун јарарсыз һала дүшмәси експедисијанын ишиндә вә һәмчинин туристләрин галаја ҝәлмәсиндә чәтинликләр төрәдир. Мүтәхәссисләрин фикринҹә, бу проблемин һәлли бөјүк вәсаит тәләб етмир. Мүвафиг иҹра һакимијјәти органлары бу проблеми јахын мүддәтдә һәлл едә биләрләр.
Диггәт: Хәбәрдән истифадә етдикдә мәнбәјә истинад лазымдыр
