Диггәт: Хәбәрдән истифадә етдикдә мәнбәјә истинад лазымдыр
Әһли Бејт -АБНА- хәбәр аҝентлијинин вердији хәбәрә әсасән: Гәндәһарда "халг едамы" олуб.
Әфганыстан президенти Һәмид Кәрзајинин өҝеј гардашы Әһмәд Вәли Кәрзајын гатили асылыб.
Әфганыстанын дөвләт башчысы илә ата бир, ана ајры гардаш олан Әһмәд Вәли 2010-ҹу илдән бәри АБШ-ын Мәркәзи Кәшфијјат Идарәси илә әмәкдашлыг едир, америкалылардан пул алараг "Талибан"а гаршы мүбаризә дәстәләри јарадырды.
Ону гәтлә јетирмиш Сәрдар Мәһәммәд исә 7 илдән бәри Әһмәд Вәлинин "сағ әли" сајылырды.
Әһмәд Вәли илә ејни тајфадан олан Сәрдар Мәһәммәд онун ән сәдагәтли адамларындан бири һесаб олунурду.
Дүнәнсә Сәрдар Мәһәммәдин јашыл ипдән асылмыш ҹәсәди Гәндәһардакы биналардан биринин гаршысында јелләниб.
Гәндәһар вилајәтинин губернатору олмуш Әһмәди Вәли Кәрзајинин доғма кәнди олан Кәрздәки дәфн мәрасиминдә онун гоһумлары гатилин архасында дуран адамлары мүтләг тапаҹаглары вә едам едәҹәкләрини вәд етмишдиләр.
Әһмәд Вәлинин кичик гардашы Шаһ Вәли исә едамын "әдаләтли гәрар" олдуғуну билдириб.
Әһмәд Вәли Кәрзајинин "Талибан"ын сифариши илә гәтлә јетирилдији бәллидир.
Мүтәхәссисләрин фикринҹә, Әһмәд Вәли Кәрзаји гәтлә јетириләндән сонра Гәндәһарда вәзијјәт ҝәрҝинләшиб. "Талибан"ын вилајәтдә нүфузу артыб вә талибләр фактики олараг Гәндәһара там нәзарәт етмәјә башлајыблар.
