Әһли Бејт -АБНА- хәбәр аҝентлијинин вердији хәбәрә әсасән: Нәглијјат назири Зија Мәммәдовун гардашы оғлу Фуад Мәммәдовун Губанын полис рәиси вәзифәсиндән чыхарылмасынын сәбәби барәдә өтән сајларымызда мәлумат вермишдик. Билдирмишдик ки, Фуад Мәммәдовун ишдән чыхарылдығы барәдә хәбәр бир мүддәт әввәл јајылса да, тәсдигини тапмајыб. Лакин белә бир мәлуматын јајылмасы һеч дә әсассыз олмајыб.
Фуад Мәммәдовла МТН-нин јерли шөбәсинин рәһбәрлији арасында зиддијјәтләр вар имиш. Даһа доғрусу, Зија Мәммәдовун гардашы оғлу МТН рәһбәрлији илә һесаблашмырмыш. Чекистләр дә бу барәдә назирликләринә мүраҹиәт едибләр. Бу мүраҹиәтдән сонра МТН-дән Губаја хүсуси нүмајәндә һејәти ҝөндәрилиб. Һәмин нүмајәндә һејәти Фуад Мәммәдову вә јол полисинин рәисини кабинетләриндән чыхарараг өзләрилә намәлум јерә апарыблар. Орада онларла профилактик сөһбәт апарыландан сонра рәислә сәрбәст бурахылыб. Бу мәсәләдән сонра Фуад Мәммәдовун ишдән чыхарылмасы зәрурәтә чеврилиб.
Лакин әлдә етдијимиз мәлуматлара ҝөрә, Фуад Мәммәдовун ишсизлији мүвәггәти характер дашыјыр. Онун јахын вахтларда Салјана рәис ҝөндәриләҹәји билдирилир. Зија Мәммәдовун гардашы оғлу Губадан әввәл дә Салјанын полис рәиси олуб.
Фуад Мәммәдовун ишдән чыхарылмасы илә бәзи мүлаһизәләр дә ортаја чыхыб. Еһтимал олунур ки, Рамил Усубов һеч дә МТН рәһбәрлији гаршысында аҹиз дурума дүшәрәк Фуад Мәммәдову ишдән чыхармајыб. Дахили ишләр назири садәҹә бу аддымы илә баш чекист Елдар Маһмудова гаршы јени ҹәбһә ачмаг истәјир. Рамил Усубов дүшүнүр ки, Зија Мәммәдов гардашынын чекистләрлә арасында олан зиддијјәтләрин уҹбатындан ишдән чыхарылдығына ҝөрә, МТН рәһбәрлији илә конфликтә ҝирәҹәк.
Диггәт: Хәбәрдән истифадә етдикдә мәнбәјә истинад лазымдыр
